ແຊຣ໌ປະຊົບການຮົ້ວກິນໄດ້ ເຫຼືອກິນຂາຍສ້າງລາຍໄດ້ໃຫ້ຄອບຄົວ ຮູ້ແລ້ວກົດໄລ້ກົດແຊຣ໌ເພື່ອເປັນປະໂຫຍດ…

ມື້ນີ້ພວກເຮົາຈະແບ່ງປັນ ການເຮັດຮົ້ວອ້ອມເຮືອນເຮົາໃຫ້ເປັນປະໂຫຍດ ສາມາດກິນ, ເກັບຮັກສາ, ຂາຍ, ສ້າງລາຍຮັບລາຍມື້ລາຍວັນໄດ້, ຫຼຸດຜ່ອນຄ່າໃຊ້ຈ່າຍໃນຄອບຄົວຂອງພວກເຮົາ. ເຊິ່ງພວກເຮົາສາມາດນຳຄອບຄົວມາຊ່ວຍສ້າງຮົ້ວເພື່ອເຮັດກິນ ເປັນກິດຈະກຳຮ່ວມກັນເພື່ອສ້າງຄວາມຮັກແລະຄວາມອົບອຸ່ນພາຍໃນຄອບຄົວ ແລະ ເພື່ອນບ້ານໃກ້ເຮືອນຄຽງ. ພວກເຮົາຍັງສາມາດແບ່ງປັນກັບເພື່ອນບ້ານເຮືອນຄຽງຂອງພວກເຮົາໄດ້ມື້ນີ້ເຮົ້າມີ 4 ແນວຄວາມຄິດມາແບ່ງປັັນພີ່ນ້ອງເຮົາໄປອ່ານນຳກັນເລີຍ…
1. ຮົ້ວຕົ້ນກະຖິນ


ຮົ້ວກະຖິນແມ່ນປູກໂດຍໃຊ້ແກ່ນທີ່ແກ່ແລ້ວ. ນຳມາຫວ່ານໄປຕາມຮົ້ວຂອງເຮືອນ ຫຼື ກ້າເບຍໃນຖົງ ແລະ ປູກ ພວກເຮົາຈະມີຮົ້ວຂອງຕົ້ນກະຖິນເພື່ອເກັບຍອດອ່ອນໄວ້ກິນ. ຍອດອ່ອນຂອງຕົ້ນກະຖິນອຸດົມໄປດ້ວຍໂພແທດຊຽມ, ເບຕ້າແຄໂຣທີນ, ແຄວຊຽມ, ທາດເຫຼັກ, ແລະວິຕາມິນບີ.

ຊັບພະຄຸນຂອງກະຖິນ ຊ່ວຍຮັກສາກະດູກ ແລະແຂ້ວໃຫ້ແຂງແຮງ ແກ້ປວດຕາມຮ່າງກາຍ, ຂໍ້ຕໍ່ ແລະ ກະດູກ, ບຳລຸງເລືອດ, ປ້ອງກັນພະຍາດເລືອດຈາງ, ກະຕຸ້ນລະບົບປະສາດ, ແກ້ຮ້ອນໃນ, ປິ່ນປົວພະຍາດຖອກທ້ອງ. ປ້ອງກັນມະເຮັງ ຊ່ວຍບຳລຸງເລືອດ ແລະ ອື່ນໆ.
ຜົນປະໂຫຍດຂອງຕົ້ນກະຖິນເປັນຢາ. ແລະ ອຸດົມໄປດ້ວຍວິຕາມິນ ແລະ ແຮ່ທາດຫຼາຍຊະນິດ ກິນກັນຕຳໝາກຮຸ່ງ ແລະ ເມນູອາຫານຕ່າງໆ ຍອດອ່ອນຂອງຕົ້ນກະຖິນ ນຳມາກິນກັບແຈ່ວໝາກເຜັດ. ຍອດອ່ອນຂອງຕົ້ນກະຖິນ ກິນກັບຫອຍນາງລົມແຊບອີດີພີ່ນ້ອງເອີຍ

2. ຮົ້ວໃບໝາກຂາມອ່ອນ

ໃບໝາກຂາມອ່ອນ ເປັນຕົ້ນໄມ້ປະຈຳທ້ອງຖິ່ນ. ມັນເປັນພືດທີ່ມີອາຍຸຫລາຍປີ. ສາມາດປູກໄດ້ໃນທຸກຂົງເຂດຂອງປະເທດລາວ ປູກງ່າຍ, ທົນທານຕໍ່ໄພແຫ້ງແລ້ງ, ການປູກ, ປູກດ້ວຍແກ່ນ ແລະ ຊຽບຍອດ. ການເຮັດເປັນຮົ້ວໃຫ້ໂຮຍແກ່ນໝາກຂາມໄປຕາມແນວຮົ້ວເຮືອນ ຟອກເມັດໝາກຂາມຕາມຮົ້ວ. ກໍ່ຈະໄດ້ໃບໝາກຂາມອ່ອນເປັນຮົ້ວເພື່ອເກັບຍອດອ່ອນໄວ້ກິນ ແລະ ຂາຍ. ໃບໝາກຂາມອ່ອນມີວິຕາມິນບີ, ວິຕາມິນຊີ, ທາດເຫຼັກ, ແຄວຊຽມ, ໂພແທດຊຽມ, ຟົດສະຟໍຣັດ, ວິຕາມິນຊີ, ເສັ້ນໃຍ, ສັງກະສີ, ໂຄລີນ, ພະລັງງານ.

กิ่งพันธุ์มะขามเปรี้ยวยักษ์แท้ ทาบกิ่ง ในถุงชำพร้อมปลูก | Lazada.co.th

ສັບພະຄຸນໃບໝາກຂາມອ່ອນ ແກ້ຫວັດ, ແກ້ໄອ, ເປັນຢາລະບາຍ, ຊ່ວຍຂັບລົມໃນລຳໄສ້. ຊ່ວຍປິ່ນປົວບາດແຜໃນມົດລູກ ສ້າງເມັດເລືອດ, ຊ່ວຍຟອກເລືອດ, ຊ່ວຍຂັບເຫື່ອ, ຊະລໍຄວາມແກ່, ບຳລຸງຜິວໜັງ ແລະ ອື່ນໆ.

ຄຸນປະໂຫຍດຂອງໃບໝາກຂາມອ່ອນ ອຸດົມໄປດ້ວຍວິຕາມິນຫຼາຍ, ປູງແຕ່ງເປັນເມນູອາຫານ, ຍຳໃບໝາກຂາມອ່ອນກັບປາແດກປີ້ງ ຕົ້ມຍຳໄກ່ໃບໝາກຂາມອ່ອນ, ຕົ້ມປາຄໍ່ກັບໃບໝາກຂາມອ່ອນ, ຕົ້ມໃບໝາກຂາມຊີ້ນໝູບົດ, ແລະ ອື່ນໆ.

3. ຮົ້ວຜັກເນົ່າ(ຜັກຊະ)


ຮົ້ວຜັກເນົ່າ. ເປັນພືດທີ່ທົນທານຕໍ່ສິ່ງແວດລ້ອມ. ປົກກະຕິແລ້ວຈະບໍ່ຕິດເຊື້ອພະຍາດ ແລະ ແມງໄມ້ມາກວນ. ສ່ວນຫຼາຍແມ່ນປູກດ້ວຍການຕັດຊໍາ, ປູກຫ່າງກັນປະມານ 1 ແມັດ, ໃສ່ຝຸ່ນຄອກ ແລະ ປົກເທິງໜ້າຂອງດິນດ້ວຍເຟືອງເຂົ້າເພື່ອຮັກສາຄວາມຊຸ່ມຂອງດິນ. ແລະເຟືອງເຂົ້າສາມາດຍ່ອຍສະຫຼາຍເປັນຝຸ່ນໃຫ້ກັບຕົ້ນຜັກເນົ່າໄດ້ເຊັ່ນກັນ
ຊັບພະຄຸນຂອງຜັກເນົ່າ ຊ່ວຍຕ້ານອະນຸມູນອິດສະລະ ເພາະຜັກເນົ່າມີວິຕາມິນເອສູງ. ລົດຊາດຂອງຜັກເນົ່າ ແມ່ນຢາອະຍຸວັດທະນະ. ຍອດຂອງຜັເນົ່າຊ່ວຍຫຼຸດຄວາມຮ້ອນໃນຮ່າງກາຍ. ຊ່ວຍໃນການຂັບຖ່າຍ ປ້ອງກັນອາການທ້ອງຜູກ, ທ້ອງອືດ, ຊ່ວຍຂັບລົມໃນລຳໄສ້.


ປະໂຫຍດຂອງຜັກເນົ່າ ຊ່ວຍຟື້ນຟູຜົມແຫ້ງແຕກປາຍ ພຽງແຕ່ເອົາໃບຜັກເນົ່າປະມານ 1 ກຳມືມາຕົ້ມກັບນ້ຳ 3 ຈອກ ແລ້ວກັ່ນຕອງເອົາແຕ່ນ້ຳ. ເມື່ອສະຜົມແລ້ວນຳເອົານ້ຳຂອງຜັກເນົ່າແຊ່ ຫຼື ມັກປະໄວ້ປະມານ 10 ນາທີ ແລ້ວລ້າງອອກ ຈະຊ່ວຍໃຫ້ຜົມແຫ້ງເສຍ ແລະ ຜົມຫຼົ່ນກັບມາດີຂຶ້ນເປັນປົກກະຕິ. ປຸງແຕ່ງເມນູອາຫານ ຜັກເນົ່າສາມາດນຳມາເຮັດອາຫານໄດ້ຫຼາກຫຼາຍຊະນິດເຊັ່ນ: ໄຂ່ຈືນໃສຜັກເນົ່າ, ແກງໜໍ່ໄມ້ ອື່ນໆ.
4. ຮົ້ວຕົ້ນຂີເຫຼັກ.


ຮົ້ວຕົ້ນຂີເຫຼັກຕົ້ນຂີເຫຼັກເປັນພືດທີ່ທົນທານຕໍ່ໄພແຫ້ງແລ້ງໄດ້ດີ ແລະ ສາມາດປູກໄດ້ທຸກຂົງເຂດຂອງປະເທດ. ຕົ້ນຂີເຫຼັກເປັນພືດທີ່ເປັນຢາສະຫມຸນໄພ. ແລະຍັງໃຊ້ເພື່ອຈຸດປະສົງທາງການແພດ ຫຼາຍດ້ານ ໃບຕົ້ນຂີເຫຼັກອຸດົມໄປດ້ວຍທາດການຊຽມ ແລະ ຟອດສຟຣັດສູງ.
ຊັບພະຄຸນຂອງຕົ້ນຂີເຫຼັກຊ່ວຍເສີມສ້າງກະດູກ ແລະ ແຂ້ວ. ຊ່ວຍຫຼຸດຜ່ອນຄວາມດັນເລືອດສູງ ປິ່ນປົວພະຍາດເບົາຫວານ, ປິ່ນປົວວັນນະໂລກ, ປິ່ນປົວມະເຮັງປອດ, ມະເຮັງລຳໃສ້, ມະເຮັງກະເພາະອາຫານ. ຊ່ວຍບຳລຸງທາດ ຊ່ວຍບັນເທົາຄວາມຄຽດ, ບຳລຸງສະໝອງ, ບຳລຸງເສັ້ນປະສາດ, ບຳລຸງເລືອດ, ຊ່ວຍໃຫ້ນອນຫຼັບສະບາຍ.


ປະໂຫຍດຂອງຕົ້ນຂີເຫຼັກຊ່ວຍປັບປຸງຄວາມຢາກອາຫານ ຊ່ວຍກໍາຈັດຂີ້ແຮ້ ມີສັບພະຄຸນທາງຢາທີ່ສາມາດນຳໃຊ້ໄດ້ໃນທຸກພາກສ່ວນຂອງຕົ້ນຂີເຫຼັກ ລວມທັງດອກ, ໃບ, ໃບແກ່, ຝັກ, ເປືອກ, ລຳຕົ້ນ, ງ່າ, ລຳ, ຮາກ.
ນອກເຫນືອໄປຈາກປະໂຫຍດ ແລະ ສັບພະຄຸນທີ່ໄດ້ກ່າວມາຂ້າງເທິງນີ້ແມ່ນພຽງແຕ່ຕົວຢ່າງເບື້ອງຕົ້ນເທົ່ານັ້ນ. ປະໂຫຍດແລະສັບພະຄຸນຫຼາຍຢ່າງສາມາດພົບໄດ້ຈາກແຫຼ່ງຕ່າງໆ. ຜູ້ຂຽນພຽງແຕ່ໃຫ້ຄໍາແນະນໍາກ່ຽວກັບວິທີເຮັດຮົ້ວສໍາລັບການນໍາໃຊ້ເທົ່ານັ້ນເພາະວ່ານອກຈາກການກໍ່ສ້າງດ້ວຍກໍາແພງຊີມັງ, ຍັງສາມາດປູກພືດຜັກເພື່ອກິນແລະຂາຍ, ສ້າງລາຍຮັບໃຫ້ຄອບຄົວ ແລະ ເປັນທາງເລືອກອື່ນ.

Leave a Reply

Your email address will not be published.