ຮູ້ແບບນີ້ຕ້ອງປູກແລ້ວພຽງແຕ່ຕົ້ນດຽວປະໂຫຍດຫຼາຍຢ່າງ. ໃຊ້ກິນຫມົດປີ ແລະ ຍັງເປັນຢາສະຫມຸນໄພຕໍ່ຮ່າງກາຍໄດ້ອີກ

ສະບາຍດີເພື່ອນໆ ພົບກັນໃໝ່ຄືເກົ່າ. ມື້ນີ້ເຮົາມີຄວາມຮູ້ດີໆມາຝາກກັນຄືເກົ່າ. ເຈົ້າເຄີຍໄດ້ຍິນເລື່ອງຜັກຊະນິດນີ້ບໍ? ມັນຄືຜັກແພວນັ້ນເອງ. ແອັດເຊື່ອວ່າຫຼາຍຄົນຄົງຈະຄຸ້ນເຄີຍກັບຊື່ຜັກຊະນິດນີ້ມາກ່ອນແລ້ວ ແຕ່ຖ້າບໍ່ຮູ້ ມື້ນີ້ເຮົາຈະພາມາຮູ້ຈັກກັນ. ວ່າຜັກຊະນິດນີ້ເປັນແບບໃດ ແລ້ວເອົາມາເຮັດຫຍັງ ແລະ ເປັນຫຍັງຈື່ງຕ້ອງໃຫ້ປູກ.

ຜັກແພວ ເປັນພືດຜັກສະໝຸນໄພ, ທີ່ປຸກງ່າຍໃຫຍ່ໄວໃນເກືອບທຸກສະພາບອາກາດ, ສາມາດເອີ້ນໄດ້ຫຼາຍພາສາທີ່ແຕກກັນໄປເຊັນ: ຜັກແພວ, ຜັກໄຜ່, ຜັກແຈວ ແລະ ອື່ນໆ. ເປັນພືດສະໝູນໄພ, ມີລັກສະນະເປັນເຄືອເປັນປ້ອງຄືກັບຕົ້ນໄຜ່ ເຄືອມັນລອຍກວາດລົງພື້ນດິນ ແລະ ມີກິ່ນຫອມ, ມັກນຳມາປູງແຕ່ງເປັນອາຫານປະເພດ ລາບ,ເອາະ,ຊຸ່ບໄກ່ ເປັນຕົນ. ເພີ່ມລົດຊາດຂອງອາຫານໃຫ້ແຊບຂຶ້ນ. ​ແລະ​ ສາ​ມາດ​ນໍາ​ໃຊ້​ໃນ​ທຸກ​ພາກ​ສ່ວນ​ຈາກ​ຮາກ​ເຖິງ​ໃບ​ເຊັ່ນ​: ກິນ​ກັບ​ແຈ່ວ​, ແກງ​, ອາ​ຫານ​ລາວ,ພາກອີສານໄທ​, ຫຼື​ ອາ​ຫານ​ຫວຽດ​ນາມ​. ເຊິ່ງຕ້ອງມີຜັກແພວຢູ່ສະເໝີ.

ປະໂຫຍດ ແລະ ວິທີການປູກມີດັ່ງນີ້.

ປະໂຫຍດຂອງຜັກແພວມີສັບພະຄຸນຫຼາຍຢ່າງ, ຕົ້ນມີສັບພະຄຸນຊ່ວຍແກ້ອາການທ້ອງອືດ, ຂັບລົມໃນກະເພາະອາຫານ, ໃບຍັງມີຜົນດີຕໍ່ພະຍາດໂລກຫົວໃຈ, ບັນເທົາອາການທ້ອງອືດ, ຍັງຊ່ວຍຂັບໄລ່ລົມໃນລຳໄສ້. ແກ້ຫວັດ ແລະ ແກ້ພະຍາດຫລອດເລືອດອອກ, ແກ້ພະຍາດລິດສະດວງຮູທະວານ, ທັງຍັງບຳລຸງລະບົບປະສາດ, ແກ້ປວດຂໍ້ຕໍ່ກະລູກໄດ້ດີ ແລະ ຍັງສາມາດປູກດ້ວຍວິທີງ່າຍໆຄື:

  1. ເອົາລຳຕົ້ນທີ່ກຽມໄວ້ມາເລັ່ງການເກີດຮາກ ໂດຍນຳໄປແຊ່ນ້ຳປະມານ 3 ວັນ ກໍ່ຈະເຫັນວ່າຮາກສີຂາວແຕກອອກແລ້ວ.
  2. ກະກຽມພື້ນທີ່ ຊ້ວນດິນໃຫ້ມີຄວາມຊູ່ມ ແລະ ຖອນຫຍ້າ ຫຼື ພຶດອອກໃຫ້ໝົດ.
  3. ນຳເອົາລຳຕົ້ນທີ່ກຽມໄວ້ມາປັກຊຳໃຫ້ຫ່າງກັນປະມານ 5-10 ຊມ, ຫົດນ້ຳໃຫ້ເປັນປົກກະຕິ ແລະ ປະເຊີນກັບແສງແດດປະມານ 1 ເດືອນ ຜັກແພວຈະເລີ່ມເຕີບໃຫຍ່ ແລະ ແຕກຮາກອອກເປັນລຳໃໝ່. ຈາກນັ້ນນຳມາກິນໃນເວລາປະມານ 3 ເດືອນ, ໃຫ້ຫົດນ້ຳຕໍ່ໄປ. ສຳລັບ ຜັກແພວເປັນພືດທີ່ມັກນ້ຳຫຼາຍ ພຽງແຕ່ວິທີງ່າຍໆເຫຼົ່ານີ້ ຜັກແພວກໍຈະອອກດອກ. ທີ່ມີປະໂຫຍດໃນການກິນໂດຍບໍ່ຕ້ອງອອກໄປຊື້ອີກຕໍ່ໄປຢູ່ທ້ອງຕະຫຼາດ ຈະຊ່ວຍປະຫຍັດຄ່າໃຊ້ຈ່າຍໃນຄົວເຮືອນ ແລະ ມີສຸຂະພາບທີດີເຊັ່ນດຽວກັນ.

 

ສຳລັບທ່ານໃດຄິດເລືອງກະເສດ ຄິດຫາ ເພສ ກະເສດລາວຍຸກໃຫມ່ ເທົ່ານັ້ນ

Leave a Reply

Your email address will not be published.