ພຽງແຕ່ 20 ພັນກີບ ຜັກຂອງທ່ານຈະງາມທັງສວນ ແລະ ທ່ານຈະໄດ້ກິນຜັກທີປອດສານເຄມີ ພຽງເທົ່ານີ້ທ່ານກໍ່ສະບາຍໃຈໄດ້ແລ້ວ…

ສະບາຍດີບັນດາທ່ານຜູ້ອ່ານທີ່ໜ້າຮັກທຸກຄົນ ກ່ອນອື່ນໝົດແມ່ນ ແອັດມິນ ແລະ ທີມງານຂອງ ເພສກະເສດລາວຍຸກໃຫມ່ ຂໍຂອບໃຈທ່ານຜູ້ອ່ານທີ່ຕິດຕາມຜົນງານຂອງພວກເຮົາມາຕະຫຼອດ. ທີມງານຈະນໍາສະເຫນີເລື່ອງທີ່ດີສະເຫມີ. ເພື່ອສ້າງຄວາມມ່ວນຊື່ນ ແລະເປັນປະໂຫຍດໃຫ້ກັບແຟນເພຈທັງໝົດໃຫ້ທ່ານໄດ້ອ່ານສະເໝີ. ມື້ນີ້ ແອັດມີນຈະພາທ່ານໄປເບິ່ງວິທີການເຮັດນ້ຳຈຸລີນຊີສັງເຄາະແສງ ແລະ ອອກດອກຕະຫຼອດປີ.

 

ຈຸລິນຊີສັງເຄາະແສງແມ່ນຈຸລິນຊີທີມີຊີວິດຂະນາດນ້ອຍ. ອາໃສຢູ່ໃນດິນ ແລະ ແຫຼ່ງນ້ໍາທໍາມະຊາດທີ່ອຸດົມສົມບູນ. ​ແຕ່​ຕໍ່​ມາຊາວ​ກະສິກອນ​ໄດ້​ນຳ​ໃຊ້​ສານ​ເຄມີ​ຫຼາຍ​ຂຶ້ນ​ໃນ​ການ​ປູກຝັງ. ຈຸລິນຊີທໍາມະຊາດທີ່ສັງເຄາະແສງແມ່ນຫຼຸດລົງຢ່າງຫຼວງຫຼາຍ. ສະນັ້ນ, ພວກເຮົາຕ້ອງໝັກ ແລະ ຂະຫຍາຍຈຸລິນຊີສັງເຄາະແສງດ້ວຍຕົວເຮົາເອງ.

ຄຸນປະໂຫຍດ ແລະ ຂໍ້ດີຂອງຈຸລິນຊີສັງເຄາະແສງເມື່ອນຳໃຊ້ເຂົ້າໃນການກະເສດ.

– ເປັນຕົວກະຕຸ້ນເພື່ອເລັ່ງປະຕິກິລິຍາການເຊື່ອມໂຊມຂອງດິນ. ສ້າງຝຸ່ນໃນດິນໃຫ້ໄວຂຶ້ນ

– ມີຄວາມສາມາດສາງໄນໂຕຣເຈນ

– ໃຊ້ຮ່ວມກັບຝຸ່ນ ເຮັດໃຫ້ຝຸ່ນມີປະສິດທິພາບຫຼາຍຂື້ນ ຫຼຸດຜ່ອນຄ່າໃຊ້ຈ່າຍໃນການນໍາໃຊ້ຝຸ່ນ 30 – 50%

– ເປັນຈຸລິນຊີທີ່ເຮັດໃຫ້ເກີດຂະບວນການລີໄຊເຄີນຂອງສານຄາບອນ ແລະ ສານຈຳພວກ ຊູນຟູຣິກ. ເຊິ່ງເປັນສິ່ງຈໍາເປັນສໍາລັບການເຕີບໃຫຍ່ຂອງພຶດ

– ເຮັດໃຫ້ຮາກຂອງພືດແຂງແຮງ, ສາມາດຫາອາຫານໄດ້ເກັ່ງ, ສາມາດດູດຊຶມສານອາຫານໄດ້ຫຼາຍຂຶ້ນ

– ພືດມີຄວາມແຂງແຮງ ແລະທົນທານຕໍ່ພະຍາດຕ່າງໆໄດ້ດີ.

– ສິດພົ່ນໃນຄອກສັດ ເພື່ອຊ່ວຍເຮັດຄວາມສະອາດ ແລະ ຫຼຸດກິ່ນເໝັນຂອງສິ່ງເສດເຫຼືອຂອງສັດ.

ອຸປະກອນທີຕ້ອງການໃຊ້

– ນ້ຳປາ 3 ບ່ວງ.

– ໄຂ່ 3 ໜ່ວຍ

– ແປ້ງນົວ 3 ບ່ວງ

– ກະປິ 3 ບ່ວງ

ນ້ຳໃສຕຸກ 1,5 ລິດ

ຂະບວນການຜະລິດຈຸລິນຊີສັງເຄາະແສງ

 

  1. ຕີໄຂລົງໃນຖ້ວຍ 3 ໜ່ວຍ ຕີຈົນເຂົ້າກັນກັບໄຂ່ແດງ.
  2. ໃສ່ແປ້ງນົວ 3 ບ່ວງ, ນ້ຳປາ 3 ບ່ວງ, ກະປິ 3 ບ່ວງ (ກະປິເປັນອາຫານສຳລັບຈຸລິນຊີສັງເຄາະແສງ. ເປັນ​ຕົວ​ຊ່ວຍ​ເລັ່ງ​ໄຫ້ນ້ຳເປັນສີ​ແດງ​ໄດ້​ງ່າຍ​ຂຶ້ນ​)
  3. ຄົນສ່ວນປະສົມທັງໝົດໃຫ້ເຂົ້າກັນແລ້ວຕັກໃສ່ກະຕຸກນ້ຳ (ອັດຕາສ່ວນ 3 ບ່ວງແກງຕໍ່ນ້ຳ 1.5 ລິດ)

  1. ຕື່ມນ້ໍາລົງໃນຕຸກນ້ຳ ສັ່ນໃຫ້ເຂົ້າກັນ ຈາກນັ້ນເອົາໄປຕາກແດດແລ້ວປະໄວ້ 5-7 ມື້.
  2. ຫຼັງຈາກນັ້ນມັນຈະເລີ່ມສີແດງ. ນັ້ນເຫັນໄດ້ວ່າຈຸລິນຊີທີ່ສັງເຄາະແສງໄດ້ເຕີບໃຫຍ່ຂຶ້ນຢ່າງເຕັມທີແລ້ວ.

ຄວາມລັບທີເຮັດໃຫ້ຈຸລິນຊີສັງເຄາະແສງສີແດງ 100%.

– ຖ້າໃຊ້ນໍ້າປະປາ ຈະເປັນສີຂຽວ, ສີຂາວ ຫຼື ແດງຢ່າງບໍ່ເຕັມທີ່.

– ຖ້າ​ນຳ​ໃຊ້​ນ້ຳ, ໜອງ, ບໍ່​ນ້ຳ (ໂດຍ​ສະ​ເພາະ​ແມ່ນ​ນ້ຳ​ຈາກ​ໜອງ​ປາ) ຈະ​ໄດ້​ຮັບ​ຜົນ​ດີ​ຫຼາຍ, ນ້ຳຈະ​ແດງ​ພາຍ​ໃນ 5-7 ວັນ.

– ນ້ຳໃຕ້ດິນ ຫຼື ນ້ຳບາດານ ຈະເປັນສີແດງ, ສີຂາວ, ຂຶ້ນກັບສິ່ງປົນເປື້ອນທີ່ພົບເຫັນໃນແຫຼ່ງນ້ຳ.

ວິທີການນຳໃຊ້

– ຈຸລິນຊີສັງເຄາະແສງ 100 ຊີຊີ /ນ້ຳ 20 ລິດ ຊິດພົນໃບທຸກໆ 7 ມື້.

 

– ຈຸລິນຊີສັງເຄາະແສງ 100 ຊີຊີ / 10 ລິດ ຊິດພົນໃນດິນທຸກໆ 7 ມື້.

โครงการสวนผักเพื่อเด็กพิการ – มูลนิธิเพื่อเด็กพิการ

ດັ່ງທີ່ໄດ້ກ່າວຂ້າງເທິງນັ້ນ ຈຸລິນຊີສັງເຄາະແສງແມ່ນຈຸລິນຊີທີ່ມີຊີວິດຂະນາດນ້ອຍທີອາໄສຢູ່ໃນນ້ຳຕາມທຳມະຊາດ, ພວກເຮົາພຽງແຕ່ນຳມັນມາລ້ຽງໂດຍນຳໃຊ້, ນ້ຳປາ, ແປ້ງນົວ, ກະປິ ແລະ ໄຂ່ ລ້ວນແຕ່ເປັນອາຫານທີ່ເໝາະສົມຕໍ່ການຈະເລີນເຕີບໂຕຂອງຈຸລີນຊີສັງເຄາະແສງ.

 

ສ່ວນສີແດງຢູ່ໃນປອງແມ່ນສັນຍານວ່າ ນ້ໍາໃນປອງແມ່ນເຕັມໄປດ້ວຍຈຸລິນຊີສັງເຄາະແສງ. ເຊິ່ງກຽມພ້ອມສໍາລັບການນໍາໃຊ້ຕໍ່ໄປໄດ້ແລ້ວ.

 

Leave a Reply

Your email address will not be published.