ມອບ-ຮັບລາງວັນມາດຕະຖານເມືອງທ່ອງທ່ຽວສະອາດອາຊຽນໃຫ້ແກ່ເມືອງວຽງໄຊ

ມອບ-ຮັບລາງວັນມາດຕະຖານເມືອງທ່ອງທ່ຽວສະອາດອາຊຽນໃຫ້ແກ່ເມືອງວຽງໄຊ
อาจเป็นรูปภาพของ 8 คน และ ผู้คนกำลังยืน
ພິທີມອບ-ຮັບ ລາງວັນມາດຕະຖານເມືອງທ່ອງທ່ຽວສະອາດອາຊຽນ ໃຫ້ແກ່ເມືອງວຽງໄຊ, ແຂວງຫົວພັນ ຈັດຂຶ້ນໃນຕອນບ່າຍວັນທີ 17 ກຸມພາ 2022, ທີ່ຖໍ້າຊ້າງລອດ ໂດຍມີ ທ່ານ ພຸດພັນ ແກ້ວວົງໄຊ, ຮອງເຈົ້າແຂວງຫົວພັນ, ທ່ານ ອຸ່ນທວງ ຂາວພັນ, ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ (ຖວທ) ພ້ອມດ້ວຍການນໍາແຂວງ, ຕາງໜ້າໜ້າພະແນກ ຖວທ 7 ແຂວງພາກເໜືອ ແລະ ປະຊາຊົນຊາວເມືອງວຽງໄຊ ເຂົ້າຮ່ວມ.
อาจเป็นรูปภาพของ 2 คน และ ผู้คนกำลังยืน
ໃນພິທີ ທ່ານ ນາງ ໝັ້ນເພັງ ຂັດຕິຍະ ຫົວໜ້າພະແນກ ຖວທ ແຂວງຫົວພັນ ໄດ້ຂຶ້ນລາຍງານກ່ຽວກັບການສ້າງເມືອງວຽງໄຊ ເປັນເມືອງທ່ອງທ່ຽວສະອາດອາຊຽນ ທີ່ເລີ່ມສ້າງມາແຕ່ເດືອນມີນາ 2019 ຕາມ 7 ມາດຖານ, 28 ຕົວຊີ້ວັດ ແລະ 108 ເງື່ອນໄຂ ໂດຍແມ່ນກົມພັດທະນາການທອ່ງທ່ຽວໄດ້ລົງມາເຜີຍແຜ່ມາດຖານເມືອງທ່ອງທ່ຽວສະອາດອາຊຽນຢູ່ເມືອງວຽງໄຊ ແລະ ໄດ້ລົງພາກສະຫນາມເພື່ອປະເມີນທົດລອງຕາມເງື່ອນໄຂດັ່ງກ່າວ. ຜ່ານການສ້າງເມືອງວຽງໄຊໃຫ້ເປັນເມືອງທ່ອງທ່ຽວສະອາດອາຊຽນ ມາຮອດເດືອນພະຈິກປີ 2021
อาจเป็นรูปภาพของ 10 คน และ ผู้คนกำลังยืน
ຄະນະຮັບຜິດຊອບຄົ້ນຄ້ວາສ້າງເມືອງວຽງໄຊເປັນເມືອງທ່ອງທ່ຽວສະອາດອາຊຽນຂັ້ນເມືອງ ແລະ ຂັ້ນແຂວງໄດ້ຈັດການປະເມີນມາດຖານເມືອງທ່ອງທ່ຽວສະອາດອາຊຽນຂຶ້ນຢູ່ທີ່ເມືອງວຽງໄຊ ຜົນການປະເມີນ 7 ມາດຖານ, 28 ຕົວຊີ້ວັດ ແລະ 108 ເງື່ອນໄຂ ເຫັນວ່າເມືອງວຽງໄຊສາມາດຈັດຕັ້ງປະຕິບັດໄດ້ 86 ເງື່ອນໄຂເທົ້າກັບ 79,62% ຈາກນັ້ນພະແນກ ຖວທ ໄດ້ສົ່ງບົດລາຍງານຜົນການປະເມີນເມືອງວຽງໄຊດັ່ງກ່າວໃຫ້ການນຳແຂວງ ແລະ ກະຊວງ ຖວທ ເພື່ອສະເຫນີສະຫມັກຮັບລາງວັນເມືອງທ່ອງທ່ຽວສະອາດອາຊຽນ. ມາຮອດເດືອນທັນວາປີ 2021 ກະຊວງ ຖວທ ໄດ້ແຈ້ງລາຍຊື່ເມືອງທີ່ໄດ້ຮັບເມືອງທ່ອງທ່ຽວສະອາດອາຊຽນ 3 ເມືອງຂອງ ສປປ ລາວ ໃນນັ້ນເມືອງວຽງໄຊ ກໍໄດ້ຮັບຄັດເລືອກເປັນເມືອງທ່ອງທ່ຽວສະອາດອາ ຊຽນ.
อาจเป็นรูปภาพของ 8 คน, ผู้คนกำลังยืน และ ต้นไม้
ຫລັງຈາກນັ້ນ ທ່ານ ອຸ່ນທວງ ຂາວພັນ, ຮອງລັດຖະມົນຕີກະຊວງ ຖວທ ໄດ້ໃຫ້ກຽດຂຶ້ນມອບລາງວັນມາດຕະຖານເມືອງທ່ຽວທ່ຽວສະອາດອາຊຽນໃຫ້ແກ່ເມືອງ ວຽງໄຊ ໂດຍແມ່ນ ທ່ານ ຄໍາ ໂຮມມີໄຊ, ເຈົ້າເມືອງວຽງໄຊ ເປັນຜູ້ຮັບ. ນອກຈາກນີ້ ໃນພິທີຄັ້ງນີ້ ຍັງໄດ້ມີພິທີມອບໃບຍ້ອງຍໍໃຫ້ກະຊວງ ຖວທ, ຂັ້ນແຂວງ ແລະ ເມືອງວຽງໄຊ ຕື່ມອີກ.
อาจเป็นรูปภาพของ 10 คน และ ผู้คนกำลังยืน
ສໍາລັບວັນທີ 17 ກຸມພາ 2022 ນີ້, ກ່ອນໜ້າມີພິທີມອບ-ຮັບ ລາງວັນມາດຕະຖານເມືອງທ່ອງທ່ຽວສະອາດອາຊຽນໃຫ້ເມືອງວຽງໄຊ ຢ່າງເປັນທາງການ, ທີ່ຖໍ້າຊ້າງລອດ, ເມືອງວຽງໄຊ ໄດ້ມີກອງປະຊຸມເຜີຍແຜ່ແນວທາງຟື້ນຟູການທ່ອງທ່ຽວຈາກການແຜ່ລະບາດຂອງພະຍາດໂຄວິດ-19, ບົດແນະນໍາກ່ຽວກັບການຈັດຕັ້ງປະຕິບັດແຜນເປີດຕ້ອນຮັບນັກທ່ອງທ່ຽວຕ່າງປະເທດ ແລະ ວຽກງານປິ່ນອ້ອມ ເພື່ອແນໃສ່ຟື້ນຟູການທ່ອງທ່ຽວຢູ່ພາຍໃນເມືອງວຽງໄຊ ກໍຄື ແຂວງ
อาจเป็นรูปภาพของ 3 คน และ ผู้คนกำลังยืน
ຫົວພັນ ແລະ ບັນດາແຂວງພາກເໜືອຂອງລາວ ໂດຍສະເພາະການເປີດຕ້ອນຮັບນັກທ່ອງທ່ຽວຕ່າງປະເທດເຂົ້າມາທ່ອງທ່ຽວໃນເຂດທ່ອງທ່ຽວສີຂຽວຂອງລາວທັງ 3 ໄລຍະ ທີ່ກໍານົດໄວ້ ກໍຄື ການປະຕິບັດແນວທາງການຟື້ນຟູການທ່ອງທ່ຽວຂອງລາວ ຈາກການແຜ່ລະບາດຂອງພະຍາດໂຄວິດ-19 ສໍາລັບປີ 201-2025 ເພື່ອດຶງດູດນັກທ່ອງທ່ຽວຕ່າງປະເທດເຂົ້າມາທ່ອງທ່ຽວປະເທດລາວຫລັງຈາກການລະບາດຂອງພະຍາດໂຄວິດ-19 ໃຫ້ນັບມື້ເພີ່ມຂຶ້ນໃນຕໍ່ໜ້າ.

Leave a Reply

Your email address will not be published.