5 ວິທີລ້ຽງລູກ ສະບັບ “ແມ່ແອັບເປີ້ນ” ເປັນຫຍັງນ້ອງຈູນີ່ ຈຶ່ງອາລົມດີ ສົດໃສ ຕະຫຼອດເວລາ?

ເອີ້ນໄດ້ວ່າເປັນປະເດັນຂອງແມ່ໆທັງຫຼາຍເລີຍແຫຼະ ທີ່ຢາກຮູ້ກ່ຽວກັບການລ້ຽງລູກ. ໃຜໄດ້ຕິດຕາມແມ່ແອັບເປີ້ນແລ້ວແດ່ ຄົງຢາກຈະຮູ້ວິທີການລ້ຽງລູກຂອງແມ່ແອັບເປີ້ນແນ່ນອນ, ໃນການລ້ຽງນ້ອງຈູນີ່ລູກຫົວແກ້ວຫົວແຫວນແມ່ແອັບເປີ້ນ ແລະ ພໍ່ຟຸກບໍ່ວ່າຈູນີ່ຈະເຮັດຫຍັງກໍໜ້າຮັກຖືກໃຈແຟນຄລັບຕະຫຼອດ ວິວັດທະນາການຂອງລູກແມ່ແອັບເປີ້ນນັບມື້ນັບໃຫຍ່ຂຶ້ນ ແລະ ສາຍແວວຄວາມງາມຄືແມ່ແທ້ໆ ແລະ ເປັນເດັກນ້ອຍທີ່ອາລົມດີ, ແຈ່ມໃສ ແລະ ເສີບຄວາມໜ້າຮັກໃຫ້ແຟນໆໄດ້ເຊື່ນໃຈກັນຢູ່ຕະຫຼອດ! ເຄັດລັບແມ່ແອັບເປີ້ນລ້ຽງລູກແນວໃດນໍ້ ຈຶ່ງເຮັດໃຫ້ນ້ອງຈູນີ່ເປັນເດັກສົດໃສ, ອາລົມດີ ມີຄວາມສຸກແບບນີ້. ເພື່ອເອົາໃຈແມ່ໆ ມື້ນີ້ມ່ວນພາມາແບ່ງປັນ ໄປອ່ານນຳກັນເລີຍ 5 ວິທີລ້ຽງລູກສະບັບແມ່ແອັບເປີ້ນ ແລະ ພໍ່ຟຸກ ທີ່ເຫັນເປັນຕ້ອງຍິ້ມຕາມ ສ່ອງວິຖີແມ່ລູກອ່ອນສະບັບຊຸບຕາກັນເລີຍ:

1.ເວົ້າກັບລູກຕະຫຼອດເພື່ອສ້າງສາຍສຳພັນທີ່ດີ ພ້ອມນີ້ກໍຍັງຊ່ວຍເຮັດໃຫ້ລູກມີພັດທະນາການໄວຂຶ້ນອີກດ້ວຍ, ເຖິງລູກອາດຈະຍັງບໍ່ທັນເຂົ້າໃຈເທື່ອກໍຕາມ ແຕ່ການທີ່ລູກໄດ້ຟັງສຽງ ຂອງພໍ່ແມ່ ແລະ ການໃຊ້ພາສາກາຍຈະເຮັດໃຫ້ລູກມີປະຕິກິລິຍາຕອບຄືນ, ເຊິ່ງຈະເຫັນວາແມ່ແອັບເປີ້ນມັກເວົ້າ ແລະ ສອນຈູນີ່ຕະຫຼອດ ເພື່ອໃຫ້ເປັນການຊຶມຊັບຕັ້ງແຕ່ຍັງນ້ອຍ! ເດັກນ້ອຍຈະມັກສົງໄສ ແລະ ຊ່າງສັງເກດດັ່ງນັ້ນ ພໍ່ ແລະ ແມ່ຕ້ອງໃຫ້ຄຳອະທິບາຍລູກຕະຫຼອດເດີ້! ສຳຄັນບໍ່ເວົ້າສຽງດັງຕໍ່ໜ້າລູກ ແລະ ໃຊ້ສຽງມ່ວນໆກໍຄືສອງເວົ້າກັບລູກນ້ອຍຕະຫຼອດ.

2.ພາລູກອອກສູ່ໂລກກວ້າງ ບໍ່ວ່າຈະພາໄປຫຼິ້ນແບບຄອບຄົວ ທີ່ຫາດຊາຍ ແລ້ວພາອຸ້ມປະຄອງຍ່າງໃຫ້ລູກໄດ້ສຳຜັດກັບຫາດຊາຍ ທຳມະຊາດໃຫ້ໄດ້ຫຼາຍທີ່ສຸດ, ພາອອກໄປທ່ຽວນອກເຮືອນ ເພື່ອຮຽນຮູ້ສິ່ງອ້ອມໂຕ ສະພາບແວດລ້ອມ. ງ່າຍໆໃນແຕ່ລະວັນຄືແບບພໍ່ຟຸກ ແລະ ແມ່ແອັບເປີ້ນທີ່ພາຈູນີ່ໄປຊົມສວນເອົາອາກາດບໍລິສຸດແຖວເຮືອນ ເພື່ອໃຫ້ລູກແຂງແຮງ ແລະ ສົດຊື່ນອີກດ້ວຍ. ຖ້າຫາກມີເວລາຈັດທຣິບແບບຄອບຄົວຍິ່ງດີເດີ້.

3.ເຄັດລັບການອາບນໍ້າແບບອ່ອນໂຍນສະບັບແມ່ແອັບເປີ້ນ ສຳລັບນ້ອງຈູນີ່ ຈູນີ່ອາບນໍ້າທຳມະດາ (ອຸນຫະພູມປົກກະຕິບໍ່ອຸ່ນບໍ່ເຢັນຈົນເກີນໄປ) ນໍ້າທຳມະດາທີ່ບໍ່ປະສົມຫຍັງ ແລະ ບໍ່ແມ່ນອາບໃສ່ສະບູ ແຕ່ສຳລັບສະຜົມແມ່ນໃຊ້ສູດອ່ອນໂຍນ, ນ້ອງຈູນີ່ຜິວແພ້ງ່າຍທີ່ສຸດ ແຕ່ພໍອາບນໍ້າ ອຸນຫະພູມປົກກະຕິ ແມ່ແອັບເປີ້ນບອກວ່າຜິວໃສເລີຍ ຫາຍໝົດຜື່ນແພ້ຕ່າງໆ ຜິວຜ່ອງໃສສະອາດ. ທັງນີ້ທັງນັ້ນກໍແລ້ວແຕ່ສະພາບຜິວຂອງລູກໆເດີ້.

4.ຂໍ້ນີ້ກໍສຳຄັນສຳລັບພໍ່ແມ່ທຸກຄົນທີ່ຕ້ອງໃຊ້ເວລາຮ່ວມກັບລູກນ້ອຍໃຫ້ໄດ້ຫຼາຍທີ່ສຸດ, ກິດຈະກຳຮ່ວມກັນກັບລູກໆບໍ່ວ່າຈະເປັນການລອຍນໍ້າກໍດີເດີ້, ການເອົາເດັກລອຍນໍ້າແຕ່ຍັງນ້ອຍຈະຊ່ວຍໃຫ້ແຂງແຮງ ແລະ ສ້າງພູມຄຸ້ມກັນ ແຕ່ຕ້ອງເບິ່ງແຍງເປັນຢ່າງດີ ແລະ ໃຫ້ເໝາະສົມ. ນອກນັ້ນອາດຈະໃຊ້ເວລາຮ່ວມກັນແບບທົ່ວໄປຄື: ຟັງເພງ, ຖ່າຍຮູບ, ເລົ່ານິທານ, ຫຼິ້ນກັບລູກໆ ໂດຍການຈັບແຕ່ງໂຕ, ໂດຍສະເພາະ ນ້ອງຈູນີ່ທີ່ແມ່ຈັບແຕ່ງໂຕໜ້າຮັກຕະຫຼອດ ຢ່າລືມທີ່ຈະບອກຮັກ ແລະ ໂອບກອດລູກຕະຫຼອດເວລາເພື່ອໃຫ້ລູກຮູ້ສຶກປອດໄພ, ອົບອຸ່ນທັງເປັນການເຕີມຄວາມຮັກຕະຫຼອດ, ຫຼິ້ນກິດຈະກຳໃຫ້ລູກໄດ້ມີສຽງຫົວ, ມ່ວນ ແລະ ເບີກບານໃຈຕະຫຼອດ.

5. ເຮັດອາຫານ ສາລະພັດປະໂຫຍດ ສະບັບແມ່ແອັບເປີ້ນ ໃຫ້ນ້ອງຈູນີ່ ແລະ ສອນໃຫ້ນ້ອງຈູນີ່ເລີ່ມກິນເຂົ້າ ແລະ ເລີ່ມນັ່ງເອງເປັນການຝຶກແອບລູກໃຫ້ພັດທະນາການໄວ. ສຳລັບເລື່ອງອາຫານແມ່ນ ແມ່ແອັບເປີ້ນກໍພະຍາຍາມບົດຜັກ ແລະ ໝາກໄມ້ ໃຫ້ຈູນີ່ກິນ ເຖິງວ່າທຳອິດຈະບໍ່ມັກ ແລະ ຄາຍຖິ້ມຫຼາຍຮອບ, ແຕ່ເຫຼົ່າບັນດາາແມ່ກໍຢ່າທໍ້ເດີ້!​ ພະຍາຍາມເອົາສິ່ງມີປະໂຫຍດໃຫ້ລູກກິນ, ອາດຈະໃຊ້ວິທີແບບແມ່ແອັບເປີ້ນທີ່ໃຫ້ລູກເຫັນເປັນແບບຢ່າງກິນໃຫ້ເບິ່ງກ່ອນ ຈັກຄຳສອງຄຳ, ຊ່ວຍໃຫ້ຈູນີ່ເກີດມີຄວາມຢາກກິນນຳ ແລະ ສິ່ງສຳຄັນກໍຄືຄວາມສະອາດ, ຢ່າປ່ອຍໃຫ້ລູກດູດສິ່ງຂອງທີ່ຕົກແລ້ວຈັບມາໃສ່ປາກ, ເພາະຈະເຮັດໃຫ້ລູກເຈັບທ້ອງ ແລະ ຄວນໃຫ້ລູກກິນອາຫານຄົບ 5​ ໝູ່ ແລະ ດື່ມນໍ້າຢ່າງພຽງພໍ.

ນີ້ກໍຄື 5 ວິທີລ້ຽງລູກຂອງແມ່ແອັບເປີ້ນ, ທັງນີ້ທັງນັ້ນກໍແລ້ວແຕ່ການລ້ຽງລູກຂອແຕ່ລະເຮືອນເດີ້ ຫວັງວ່າການໄປສ່ອງການລ້ຽງລູກຂອງແມ່ແອັບເປີ້ນເທື່ອນີ້ ຈະມີປະໂຫຍດ ແລະ ຊ່ວຍແມ່ໆຫຼາຍໆຄົນ. ນອກຈາກນຳເອົາວິທີດີໆໃນການລ້ຽງລູກມາແບ່ງປັນແລ້ວ, ພວກເຮົາຍັງນຳເອົາພາບຄອບຄົວນີ້ມາຝາກທຸກຄົນນຳເດີ້ ຈະໜ້າຮັກສໍ່າໃດໄປເບິ່ງທີ່ອາລະບໍ້າດ້ານລຸ່ມເລີຍ:

Leave a Reply

Your email address will not be published.