ລາວ ແລະ ໄທຈະເປີດດ່ານຊາຍແດນຄືນໃໝ່ໂດຍໄວເທົ່າທີ່​ຈະ​ເປັນ​ໄປ​ໄດ້.

ລາວ ແລະ ໄທຈະເປີດດ່ານຊາຍແດນຄືນໃໝ່ໂດຍໄວເທົ່າທີ່​ຈະ​ເປັນ​ໄປ​ໄດ້. ທ່ານ Thanakorn Wangboonkongchana ໂຄສົກ​ລັດຖະບານ​ໄທ ກ່າວ​ວ່າ ລາວ​ແລະ​ໄທ​ໄດ້​ຕົກລົງ​ຈະ​ເປີດ​ດ່ານ​ຊາຍ​ແດນ​ຄືນ​ໃໝ່​ໂດຍ​ໄວ​ເທົ່າ​ທີ່​ຈະ​ໄວ​ໄດ້.

ການ​ຕັດ​ສິນ​ໃຈ​ດັ່ງ​ກ່າວ​ໄດ້​ມີ​ຂຶ້ນ​ພາຍຫຼັງ​ການ​ເຂົ້າ​ຢ້ຽມ​ຂ່ຳ​ນັບ​ຂອງ​ທ່ານ​ນາ​ຍົກ​ລັດ​ຖະ​ມົນ​ຕີ ແລະ ລັດ​ຖະ​ມົນ​ຕີ​ວ່າ​ການ​ກະ​ຊວງ​ປ້ອງ​ກັນ​ປະ​ເທດ ພົນ​ເອກ ປຣະ​ຍຸດ ຈັນ​ໂອ​ຊາ ໂດຍ​ເອກ​ອັກ​ຄະ​ລັດ​ຖະ​ທູດ​ລາວ ປະ​ຈຳ​ໄທ, ທ່ານ ແສງ​ສຸ​ຄະ​ທິ​ວົງ.

ໜັງສືພິມ ບາງກອກ ໂພສ ຣາຍງານ ວ່າ ນາຍົກ ຣັຖມົນຕຣີ ໄທ ທ່ານ ປຣະຍຸດ ຕ້ອນຮັບ ແຜນການ ທີ່ ທ່ານ ພັນຄໍາ ວິພາວັນ ນາຍົກ ຣັຖມົນຕຣີ ລາວ ເດີນທາງ ໄປຢ້ຽມຢາມ ປະເທດໄທ ໃນກາງປີ.

ທ່ານ​ນາ​ຍົກ​ລັດ​ຖະ​ມົນ​ຕີ ປຣະຍຸດ ຈັນໂອຊາ ຖື​ວ່າ, ນີ້​ຈະ​ແມ່ນ​ກາ​ລະ​ໂອ​ກາດ​ທີ່​ດີ​ເພື່ອ​ຍົກ​ສູງ​ການ​ພົວ​ພັນ​ເປັນ​ຄູ່​ຮ່ວມ​ມື​ຍຸດ​ທະ​ສາດ​ເພື່ອ​ການ​ເຕີບ​ໂຕ ແລະ ພັດ​ທະ​ນາ​ແບບ​ຍືນ​ຍົງ, ຕາມ​ໂຄ​ສົກ​ລັດ​ຖະ​ບານ.

ສ່ວນທ່ານເອກອັກຄະລັດຖະທູດ ແສງອາລຸນ ໄດ້ສະແດງຄວາມຂອບໃຈຕໍ່ລັດຖະບານ ແລະ ປະຊາຊົນໄທ ທີ່ໄດ້ໃຫ້ການຊ່ວຍເຫລືອແກ່ ສປປ ລາວ ໃນຊ່ວງເກີດໄພນໍ້າຖ້ວມ ໃນປີ 2019 ເປັນຕົ້ນມາ, ພ້ອມທັງໃຫ້ການສະໜອງອຸປະກອນການແພດປິ່ນປົວພະຍາດໂຄວິດ-19 ໃຫ້ທັນເວລາ.

ສອງ​ຝ່າຍ​ກ່າວ​ເຖິງ​ຄວາມ​ຈຳ​ເປັນ​ຕ້ອງ​ເປີດ​ດ່ານ​ຂ້າມ​ຊາຍ​ແດນ​ຄືນ​ໃໝ່​ໂດຍ​ໄວ​ເທົ່າ​ທີ່​ຈະ​ໄວ​ໄດ້ ​ແລະ​ເພີ່ມ​ມູນ​ຄ່າ​ການ​ຄ້າ​ຊາຍ​ແດນ​ເພື່ອ​ຊຸກຍູ້​ການ​ຟື້ນ​ຟູ​ເສດຖະກິດ.

ພ້ອມ​ກັນ​ນັ້ນ, ທ່ານ​ນາຍົກລັດຖະມົນຕີ ​ໄທ ປຣະຍຸດ ​ໄດ້​ຮຽກຮ້ອງ​ໃຫ້​ລາວ ພິຈາລະນາ​ປັບປຸງ​ລະບຽບ​ການ​ດ້ານ​ພາສີ ​ແລະ ປັບ​ປຸງ​ຄ່າ​ບໍລິການ​ຢູ່​ທ່າ​ກຳ​ປັ່ນ​ແຫ້ງ ທາ​ນາ​ເລງ ​ແລະ ທ່າ​ກຳ​ປັ່ນ ວຽງ​ຈັນ ໃກ້​ຊາຍ​ແດນ​ໜອງ​ຄາຍ ​ເພື່ອ​ດຶງ​ດູດ​ການ​ລົງທຶນ​ຂອງ​ໄທ​ໃຫ້​ຫຼາຍ​ກວ່າ​ເກົ່າ.

ພົນເອກ ປຣະຍຸດ ຍັງຮຽກຮ້ອງໃຫ້ ຣັຖບານລາວ ພິຈາຣະນາ ການສ້າງເສັ້ນທາງ R12 ທີ່ເຊື່ອມຕໍ່ ລາວ-ໄທ ແລະວຽດນາມ ທີ່ຈະຊ່ອຍເຫລືອ ຊຸມຊົນທ້ອງຖິ່ນ ໃນແຕ່ລະສາມ ປະເທດ.

Leave a Reply

Your email address will not be published.