ການເຈລະຈາ ຣັດເຊັຍ ແລະ ຢູເກຣນ ຢູ່ປະເທດຕູກກີ ແມ່ນພິກຜັນລົ້ມແບບບໍ່ມີຄວາມຄືບໜ້າ”

ການເຈລະຈາ ຣັດເຊັຍ ແລະ ຢູເກຣນ ຢູ່ປະເທດຕູກກີ ແມ່ນພິກຜັນລົ້ມແບບບໍ່ມີຄວາມຄືບໜ້າ”

ການເຈລະຈາວັນນີ້ “ລະຫວ່າງລັດຖະມົນຕີກະຊວງການຕ່າງປະເທດ ຣັດເຊັຍ ແລະ ຢູເກຣນ ຢູ່ປະເທດຕູກກີ ແມ່ນພິກຜັນລົ້ມແບບບໍ່ມີຄວາມຄືບໜ້າ”

ເຊເລນສະກີ ປ່ຽນທ່າທີ ເຂົາບໍ່ສົນນາໂຕ ແຕ່ຕ້ອງການເຈລະຈາຣັສເຊຍຫຼາຍກວ່າ

ປະທານາທິ ບໍດີ ໂວໂລດີເມຍ ເຊເລນສະກີ ຂອງຢູເຄຣນປັບປ່ຽນທ່າທີ ໂດຍລະບຸວ່າ ຕົນເອງບໍ່ໄດ້ກົດດັນໃຫ້ອົງການສົນທິສັນຍາປ້ອງກັນແອັດລັງຕິກເໜືອ ຫຼື​ ນາໂຕ ຮັບຢູເຄຣນເຂົ້າເປັນສະມາຊິກ,​ ທັງນີ້ເລື່ອງດັ່ງກ່າວຖືເປັນປະເດັນບັນຫາທີ່ມີຄວາມລະອຽດອ່ອນ​ ເຊິ່ງເປັນໜຶ່ງໃນເຫດຜົນຕົ້ນຕໍທີ່ເຮັດໃຫ້ຣັສເຊຍຕັດສິນໃຈບຸກປະເທດເພື່ອນບ້ານຕາເວັນຕົກ.

​ເຊເລນສະກີ​ ຢໍ້າ​ວ່າ​ ຕົນເອງໄດ້ເປີດກວ້າງທີ່ຈະປະນິປະນອມກັບສະຖານະການ2ດິນແດນແບ່ງແຍກທີ່ສະໜັບສະໜູນຣັສເຊຍ ເຊິ່ງປູຕິນເອງກໍໃຫ້ການຍອມຮັບວ່າເປັນເອກະລາດກ່ອນເລີ່ມຕົ້ນໂຈມຕີຢູເຄຣນໃນວັນທີ​ 24​ ກຸມພາ​ ຜ່ານມາ.​ກ່ອນໜ້ານັ້ນ ເຊເລນສະກີ​ ໃຫ້ສຳພາດ ເອບີຊີນິວ ຂອງອາເມລິກາວ່າ “ຕອນນີ້ສົນໃຈຄຳຖາມໜ້ອຍລົງ ເມື່ອເຂົ້າໃຈວ່ານາໂຕ​ບໍ່ພ້ອມຮັບຢູເຄຣນເຂົ້າເປັນສະມາຊິກ ເພາະພັນທະມິດນາໂຕເອງບໍ່ຢາກໃຫ້ມີຄວາມຂັດແຍ້ງ​ ແລະ​ ຢ້ານການປະເຊີນໜ້າກັບຣັສເຊຍ”​ເຊເລນສະກີເວົ້າເຖິງການເປັນສະມາຊິກນາໂຕ ໂດຍລະບຸວ່າ:

“ຂ້າພະເຈົ້່າບໍ່ຢາກເປັນປະທານາທິບໍດີຂອງປະເທດທີ່ຕ້ອງຂຸເຂົ່າຂໍຮ້ອງອ້ອນວອນເພື່ອເຫດຜົນບາງຢ່າງ”. ທັງນີ້ກໍເພາະວ່າຣັສເຊຍສະແດງຈຸດຢືນມາຕະຫຼອດວ່າບໍ່ຕ້ອງການໃຫ້ປະເທດເພື່ອນບ້ານຢ່າງ ຢູເຄຣນ​ເຂົ້າເປັນສະມາຊິກນາໂຕ ເຊິ່ງເປັນຄວາມຮ່ວມມືຂ້າມມະຫາສະໝຸດແອັດລັງຕິກ​ທີ່ສ້າງຂຶ້ນເມື່ອສົງຄາມເຢັນເລີ່ມຕົ້ນເພື່ອປ້ອງເອີຣົບຈາກໂຊວຽດ.​

ແນວໃດກໍດີ ສົງຄາມເຢັນ​ຈະຢຸດລົງດົນແລ້ວກໍຕາມ ແຕ່ໄລຍະບໍ່ພໍເທົ່າໃດປີມານີ້ນາໂຕໄດ້ຂະຫຍາຍສະມາຊິກອອກໄປທາງເອີຣົບ ຕາເວັນອອກເພື່ອເຂົ້າຢຶດຄອງປະເທດທີ່ເປັນອະດີດສະຫະພາບໂຊວຽດ​ເຮັດໃຫ້ຣັສເຊຍບໍ່ພໍໃຈ ແລະ​ ມອງວ່າເປັນໄພຄຸກຄາ​ມທີ່ກ້າຂະຫຍາຍພັນທະມິດມາຮອດໜ້າເຮືອນ.​ກ່ອນໜ້າທີ່ຣັສເຊຍຈະບຸກຢູເຄຣນ ເຂົາໄດ້ຮັບຮອງເອກະລາດຂອງໂດເນສ ແລະ​ ລູຮານ ທີ່ເຮັດສົງຄາມກັບຢູເຄຣນເພື່ອແບ່ງແຍກດິນແດນມາແຕ່ປີ 2014 ໃນຂະນະທີ່ຣັສເຊຍລະບຸວ່າຕ້ອງການໃຫ້ຢູເຄຣນຍອມຮັບວ່າທັງສອງດິນແດນເປັນປະເທດອະທິປະໄຕ​ ແລະ​ ອິດສະລະ.​

ເອບີຊີນິວ ຖາມຕື່ມກ່ຽວກັບຄວາມຕ້ອງການນຂອງຣັສເຊຍ ເຂົາຕອບວ່າ: ເຮົາເປີດກວ້າງສຳລັບການເຈລະຈາ ແລະ​ ສິ່ງທີ່ກຳລັງເວົ້າເຖິງການຮັບປະກັນຄວາມປອດໄພ​ ແນວໃດກໍດີ ສອງພາກພື້ນດັ່ງກ່າວນີ້ບໍ່ໄດ້ຮັບການຍອມຮັບຈາກໃຜນອກຈາກຣັສເຊຍ ມັນຈຶ່ງເປັນຄືກັບວ່າສາທາລະນະລັດແບບຂີ້ຕົວະ ແຕ່ກໍສາມາດຫາລື ແລະ​ ຫາຂໍ້ປະນິປະນອມ ວ່າດິນແດນເຫຼົ່ານີ້ ຈະຢູ່ແນວໃດຕໍ່ໄປ.

​“ສິ່ງສຳຄັນ ສຳລັບຂ້າພະເຈົ້າ ຄືການທີ່ຜູ້ຄົນໃນດິນແດນເຫຼົ່ານັ້ນຈະໃຊ້ຊີວິດໄດ້ຕາມຕ້ອງການ,​ ໃຜຕ້ອງການເປັນສ່ວນໜຶ່ງຂອງຢູເຄຣນ ໃນຂະນະດຽວກັນຄົນຢູເຄຣນກລຈະບອກວ່າ​ເຂົາຕ້ອງການໃຫ້ຢູ່ນຳກັນ ດັ່ງນັ້ນ​ ຄຳຖາມຄືການຍອມຮັບເຊິ່ງກັນແລະກັນໄດ້ແນວໃດ?”​ ເຊເລນສະກີກ່າວ.​ນອກຈາກນີ້​ ຍັງເວົ້າຕື່ມວ່າ: ອັນນີ້ເປັນການຊີ້ຂາດຂໍ້ໜຶ່ງ​ ແລະ​ ເຮົາໄດ້ກຽມການສຳລັບຊີ້ຂາດ ໂດຍສິ່ງທີ່ຕ້ອງເຮັດໃນປັດຈຸບັນກໍຄືເຮັດໃຫ້ປະທານາທິບໍດີປູຕິນເຂົ້າສູ່ຂະບວນການເຈລະຈາ​ ແລະ​ ເຈລະຈາກັນ ແທນທີ່ຈະມາດເຂັ້ມຢູ່ຟ້າຢູ່ດາວແລ້ວເວົ້າກັນ.​

ທີ່ມາ: Matichon online

Leave a Reply

Your email address will not be published.