ປະໂທ້.!!!ຫຼາຍແທ້ 3ລ້ານກວ່າເມັດ ຂໍຊົມເຊິຍ ປກສ ແຂວງວຽງຈັນທີ່ສາມາດກັກຜູ້ຖືກຫາໄດ້.

ຕັ້ງດ່ານສະກັດຈັບລົດຣີໂວ້ ຂົນຢາບ້າ 3 ລ້ານກວ່າເມັດ ແລະ ຢາໄອສ໌ 25 ກິໂລກຼາມ
ໃນວັນທີ 8 ມີນາ 2022, ປກສ ແຂວງວຽງຈັນ ຖະແຫຼງຂ່າວການສະກັດລົດຂົນ ຢາເສບຕິດຢູ່ຈຸດກວດກາຢູ່ເສັ້ນທາງບ້ານນໍ້າຮີ້ ເມືອງໝື່ນ ແຂວງວຽງຈັນ ສາມາດກັກຜູ້ຖືກຫາເປັນຍິງ 2 ຄົນ ພ້ອມຢາບ້າ 3 ລ້ານກວ່າເມັດ ແລະ ຢາໄອສ໌ 20 ກວ່າ ກິໂລກຼາມ.
ພັທ ບົວທອງ ບໍລິບານ ຫົວໜ້າຫ້ອຕໍາຫຼວດ ປກສ ແຂວງວຽງຈັນ ຖະແຫຼງວ່າ: ໃນວັນທີ 3 ມີນາ 202 ຜ່ານມາ, ເຈົ້າໜ້າທີ່ວິຊາສະເພາະພະແນກສະກັດກັ້ນ ແລະ ຕ້ານຢາເສບຕິດ ປກສ ແຂວງ ສົມທົບກັບກອງຕຳຫຼວດຈະລາຈອນ ເມືອງໝື່ນ. ພາຍຫຼັງໄດ້ສືບຮູ້ວ່າຈະມີການລັກລອບຂົນສົ່ງຢາເສບຕິດ ແລະ ຈະນຳໃຊ້ ເສັ້ນທາງບ້ານນໍ້າຮີ້ ເປັນທາງຜ່ານ, ໃນ ເວລາປະຕິບັດໜ້າທີ່ ມາຮອດເວລາ 20:00 ໂມງ ໄດ້ພົບເຫັນລົດຍີ່ຫໍ້ໂຕໂຍຕ້າຣີໂວ້ 2 ຄັນມຸ່ງໜ້າມາທາງດ່ານກວດ; ໃນນີ້, ມີລົດກະບະຣີໂວ້ ສີເທົາ 1 ຄັນ, ໝາຍເລກທະບຽນ ກມ 9808 ກໍາແພງນະຄອນ ຂັບຂີ່ໂດຍ ນາງ ບຸດສະດີ ອາຍຸ 50 ປີ ຄ້າຂາຍ ຢູ່ບ້ານທ້າວແກ່ນ ເມືອງແກ່ນ ທ້າວ ແຂວງໄຊຍະບູລີ ພ້ອມກວດພົບ ເຫັນຂອງກາງຢາບ້າ ຈໍານວນ 700 ມັດ ເທົ່າກັບ 1.400.000 ເມັດ, ເງິນກີບ 950.000 ກີບ, ເງິນ ບາດ 7.900 ບາດ, ສາຍແຂນສີເຫຼືອງ ຄ້າຍຄືຄໍາ 1 ວົງ, ໂມງ 1 ໜ່ວຍ, ໂທລະສັບ 2 ໜ່ວຍ.
ລົດກະບະຍິ່ຫໍ້ໂຕໂຍຕາ ຣີໂວ້ ສີ ຂາວ ເລກທະບຽນ ກຫ 5532 ກໍາແພງ ນະຄອນ ຂັບຂີ່ໂດຍ ນາງ ກັນຕິລາ ຫຼື ຕຸກຕາ ອາຍຸ 46 ປີ ຄ້າຂາຍ ຢູ່ບ້ານວັດໄຕ ນ້ອຍ ເມືອງສີໂຄດຕະບອງ ນະຄອນຫຼວງວຽງຈັນ ພ້ອມຢາບ້າ ຈໍານວນ 999 ມັດ ເທົ່າກັບ 1.998.000 ເມັດ ແລະ ຢາໄອສ໌ ຈໍານວນ 25 ຫໍ່ ເທົ່າກັບ 25 ກິໂລກຼາມ, ເງິນໂດລາ 302 ໂດລາ, ຕຸ້ມຫູສີເຫຼືອງ ຄ້າຍຄືຄໍາ 1 ຄູ່, ສາຍຄໍເລດ 1 ເສັ້ນ, ເງິນ ກີບ 999.000 ກີບ, ເງິນບາດ 4.350 ບາດ, ໂທລະສັບໄອໂຟນ 2 ເຄື່ອງ ທັງສອງ ຄັນລວມຢາເສບຕິດ ທັງໝົດ 1.699 ມັດ ເທົ່າກັບ 3.398.000 ເມັດ, ຢາໄອສ໌ 25 ກິໂລກຼາມມາສອບສວນ.
ປັດຈຸບັນ, ປກສ ແຂວງວຽງຈັນ ກໍາ ລັງເລັ່ງ ສອບສວນພວກຖືກຫາທັງ 2 ຄົນ ເພື່ອຂະຫາຍຜົນຊອກຫາ ກຸ່ມແກ້ງຜູ້ຮ່ວມຂະບວນການມາລົງໂທດຕາມລະ ບຽບກົດໝາຍຢ່າງເຂັ້ມງວດ ແລະ ຮຽກຮ້ອງມາຍັງພໍ່ແມ່ປະຊາ ຊົນບັນດາເຜົ່າທີ່ດຳລົງຊີວິດຢູ່ໃນຢູ່ແຂວງວຽງຈັນ ຈົ່ງພ້ອມກັນຊ່ວຍເປັນຫູ-ເປັນຕາຊ່ວຍເຈົ້າໜ້າທີ່. ຖ້າພົບເຫັນບຸກຄົນ, ກຸ່ມຄົນໃດມີການເຄື່ອນ ໄຫວທີ່ຜິດຕໍ່ລະບຽບກົດໝາຍ ໃຫ້ລາຍງານຕໍ່ອຳນາດການປົກຄອງບ້ານ ຫຼື ເຈົ້າໜ້າທີ່ ເພື່ອແກ້ໄຂໃຫ້ທັນກັບສະພາບການ.

Leave a Reply

Your email address will not be published.