ອິນເດຍ ໄດ້ຍິງຂີປະນາວຸດຜິດພາດໄປລົງໃສ່ປະເທດປາກີສະຖານ.

ອິນເດຍ ໄດ້ຍິງຂີປະນາວຸດຜິດພາດໄປລົງໃສ່ປະເທດປາກີສະຖານ.

ອິນເດຍ ໄດ້ຍິງຂີປະນາວຸດຜິດພາດໄປລົງໃສ່ປະເທດປາກີສະຖານ.

ຊາກຂີປະນາວຸດຂອງອິນເດຍທີ່ຕົກໃນປາກີສະຖານໂດຍບໍ່ໄດ້ຕັ້ງໃຈ ປາກີສະຖານຮຽກທູດອິນເດຍເຂົ້າພົບທັນທີ ເພື່ອປະທ້ວງ ນັບເປັນຄັ້ງທຳອິດທີ່ເກີດອຸບັດຕິເຫດເຊັ່ນນີ້ ລະວ່າງ 2 ປະເທດເພື່ອນບ້ານທີ່ຕ່າງເປັນມະຫາອຳນາດນິວສ໌ເຄຼຍ.

ຝ່າຍຄວາມຫມັ້ນຄົງປາກີສະຖານເຜີຍພາບຊາກຂີປະນາວຸດ 1 ລູກທີ່ຍິງມາຈາກອິນເດຍເມື່ອວັນພຸດ(9/3/22)ທີ່ຜ່ານມາ ຕົກລົງໃກ້ກັບເມືອງມຽນ ຊັນນູ ທາງຕາເວັນອອກຂອງປາກີສະຖານ ຈຸດທີ່ຂີປະນາວຸດຕົກຢູ່ຫ່າງຈາກນະຄອນອິສລາມມາບັດ ເມືອງຫລວງປາກີສະຖານປະມານ 200 ກິໂລແມັດ.

ດ້ານກກະຊວງປ້ອງກັນປະເທດອິນເດຍ ຫາກໍ່ອອກຖະແຫລງການເມື່ອວານນີ້ (11 ມີນາ 22) ຍອມຮັບວ່າ ໄດ້ຍິງຂີປະນາວຸດ 1 ລູກ ໃສ່ປາກີສະຖານໂດຍບໍ່ໄດ້ຕັ້ງໃຈເມື່ອວັນທີ່ 9/3/22 ທີ່ຜ່ານມາແທ້ ສາເຫດເນື່ອງຈາກ”ຄວາມຜິດພາດທາງເຕັກນິກ” ໃນລະຫວ່າງກາງສ້ອມບຳລຸງຕາມປົກກະຕິ.

ນັບເປັນຄັ້ງທຳອິດທີ່ເກີດອຸບັດຕິເຫດເຊັ່ນນີ້ ລະຫວ່າງອິນເດຍກັບປະກີສະຖານ 2 ຊາດເພື່ອບ້ານທີ່ບໍ່ລົງຮອຍກັນ ແລະ ຕ່າງຄົນຕ່າງມີອາວຸດນິວສ໌ເຄຼຍຄອບຄອງດ້ວຍກັນທັງຄູ່.

ດ້ານກອງທັບປາກີສະຖານຖະແຫລງຂ່າວເມື່ອວັນພະຫັດ (10/3/22) ທີ່ຜ່ານມາ ລະບຸວ່າຂີປະນາວຸດຍິງມາຈາກເມືອງເຊີຊາ ທາງເຫນືອຂອງອິນເດຍ ແລະ ຕົກລົງໃນພາກຕາເວັນອອກຂອງປາກີສະຖານ ໃຫ້ລາຍອຽດເພີ່ມຕື່ມວ່າ ຂີປະນາວຸດຖືກຍິງມາໃນລະດັບສູງຈາກພື້ນດີນ 12.192 ແມັດ ແລະ ມີຄວາມໄວເຫນືອສຽງ 3 ເທົ່າ ລ່ວງລ້ຳເຂົ້ານ່ານຟ້າປາກີສະຖານເປັນໄລຍະທາງ 124 ກິໂລແມັດ.

ສ່ວນກະຊວງການຕ່າງປະເທດປາກີສະຖານປະທ້ວງອິນເດຍ ທັນທີດ້ວຍການຮຽກຕົວອຸປະທູດອິນເດຍໃນນະຄອນອິສລາມາບັດ ເຂົ້າພົບເພື່ອປະທ້ວງອິນເດຍຢ່າງເປັນທາງການ ກ່າວຫາອິນເດຍລະເມີດນ່ານຟ້າປາກີສະຖານໂດຍປາສະຈາກການຍົ້ວຍຸຈາກຝ່າຍປາກີສະຖານລະບຸວ່າ ຂີປະນາວຸດຂອງອິນເດຍອາດເປັນອັນຕະລາຍຕໍ່ຖ້ຽວບິນພົນລະເຮືອນປາກີສະຖານ ທັງນີ ເຫດການດັ່ງກ່າວບໍ່ມີຜູ້ເສຍຊີວິດ.

ຄວາມຂັດແຍ່ງລະຫວ່າງອິນເດຍກັບປາກີສະຖານງຽບສະຫງົບມາດົນຫລາຍເດືອນແລ້ວ ໃນອະດີດ 2 ປະເທດເຄີຍຮົບເຖິງຂັ້ນເຮັດສົງຄາມກັນມາແລ້ວ 3 ຄັ້ງ ແລະ ການປະທະຍ່ອຍໆອີກນັບຄັ້ງບໍ່ຖ້ວນຈາກຄວາມຂັດແຍ່ງເຫນືອດີນແດນແຄັດເມ່ຍ.

ຕະຫລອດເວລາທີ່ຜ່ານມາ ຜູ້ຊ່ຽວຊານທາງທະຫານຫລາຍຄົນໄດ້ເຕືອນເຖິງອຸບັດຕິເຫດໃນທຳນອງນີ້ມາໂດຍຕະຫລອດຄືການຍິງຂີປະນາວຸດອອກໄປໂດຍບໍ່ຕັ້ງໃຈ ຫຼື ການຄຳນວນຜິດພາດ.

ຂໍ້ມູນຈາກ: TNN World

Leave a Reply

Your email address will not be published.