ປະຊາຊົນທຸກຍາກ 80 ຄອບຄົວ

ປະຊາຊົນທຸກຍາກ 80 ຄອບຄົວ

ປະຊາຊົນທຸກຍາກ 80 ຄອບຄົວຢູ່ເມືອງພູວົງ ໄດ້ຮັບເຄື່ອງຊ່ວຍເຫລືອ

ແຫລ່ງຂ່າວຈາກ ແຂວງອັດຕະປື ໃຫ້ຮູ້ວ່າ: ເມື່ອບໍ່ດົນມານີ້, ໂຄງການອະນຸລັກຊີວະນາໆພັນ ຕາມແລວເຊື່ອມຕໍ່ ໄດ້ນໍາເອົາເຄື່ອງຊ່ວຍເຫລືອໄປມອບໃຫ້ປະຊາຊົນ ທີ່ທຸກຍາກອານາຖາ ໃນ 7 ບ້ານ 80 ຄອບຄົວ ຢູ່ເມືອງພູວົງ ແຂວງອັດຕະປື ປະກອບມີ:

ບ້ານວັງຍາງ ມີ 12 ຄອບຄົວ, ບ້ານວົງສົມພູ ມີ 13 ຄອບຄົວ, ບ້ານພູໂຮມ ມີ 13 ຄອບຄົວ, ບ້ານພູໄຊ ມີ 7 ຄອບຄົວ, ບ້ານວຽງໄຊ ມີ 14 ຄອບຄົວ, ບ້ານນໍ້າກົງ ມີ 9 ຄອບຄົວ ແລະ ບ້ານວົງລະຄອນ ມີ 12 ຄອບຄົວ.ເຄື່ອງທີ່ນໍາມາມອບຄັ້ງນີ້,

ປະກອບມີ: ເຂົ້າສານຈ້າວ 3.390 ກິໂລກະລາມ, ໝໍ້ຫຸງເຂົ້າ 21 ໜ່ວຍ, ໝໍ້ແກງ 21 ໜ່ວຍ, ຖ້ວຍແກງ 21 ໂຫລ, ບ່ວງ 21 ໂຫລ, ຄຸຕັກນໍ້າ 21 ໜ່ວຍ, ຖັງຢາງດໍາໃສ່ ນໍ້າ 21 ໜ່ວຍ, ຜ້າຫົ່ມ 21 ຜືນ,

ມຸ້ງກາງນອນ 80 ດາງ, ສາດຢາງ 21 ຜືນ, ໝອນ 21 ໜ່ວຍ,ເຄື່ອງນຸ່ງຫົ່ມ, ໂສ້ງວອມ ແລະ ເສື່ອຢືດມີຄໍ 34 ຊຸດ ແລະ ສັງກະສີ 970 ແຜ່ນ ລວມມູນຄ່າ ທັງໝົດ 11.929 ໂດລາສະຫະລັດ

ເຊິ່ງຕາງໜ້າມອບໂດຍ ທ່ານ ວັນປະເສີດ ສີຊານົນ ຫົວໜ້າຫ້ອງການກະສິກໍາ ແລະ ປ່າໄມ້ ເມືອງພູວົງ ແລະ ຮັບໂດຍບັນດາຄອບຄົວທຸກຍາກອານາຖາທັງ 7 ບ້ານ.

ໂອກາດນີ້, ທ່ານ ວັນປະເສີດ ສີຊານົດ ໄດ້ໃຫ້ຮູ້ວ່າ: ສໍາລັບໂຄງການອະນຸລັກຊີວະນາໆພັນ ຕາມແລວເຊື່ອງຕໍ່ ໄດ້ເລີ່ມເຂົ້າມາຈັດຕັ້ງປະຕິບັດກິດຈະກໍາ ການປົກປັກຮັກສາປ່າໄມ້ໃນເຂດແລວເຊື່ອມຕໍ່ລະຫວ່າງ ປ່າສະຫງວນ, ປ່າປ້ອງກັນ ແລະ ປ່າຜະລິດ

ໂດຍມີຈຸດປະສົງ ເພື່ອຮັກສາລະບົບນິເວດປ່າ ໄມ້, ສັດນໍ້າ-ສັດປ່າ ແລະ ຍັງມີກິດຈະກໍາປັບປຸງຊີວິດການເປັນຢູ່ຂອງປະຊາຊົນ ໃນ 7 ບ້ານທີ່ຂຶ້ນກັບ ເມືອງພູວົງ ຕື່ມອີກ.

ຂ່າວ: ເພັດສະຫັວນ ສີກຸນລະບຸດຮູບ: 1435,1436

Leave a Reply

Your email address will not be published.