ແຂວງສະຫວັນນະເຂດ ໄລ່ນາຍຕຳຫລວດ ຊັ້ນພັນໂທອອກຈາກກຳລັງ 5 ສະຫາຍ

ແຂວງສະຫວັນນະເຂດ ໄລ່ນາຍຕຳຫລວດ ຊັ້ນພັນໂທອອກຈາກກຳລັງ 5 ສະຫາຍ

ໃນວັນທີ 14 ມີນາ 2022 ກອງບັນຊາການ ປກສ ແຂວງສະຫວັນນະເຂດ ປະກາດປະຕິບັດວິໄນ (ໄລ່ອອກ ) ນາຍຕໍາຫຼວດຜູ້ທີ່ເຄື່ອນໄຫວລະເມີດລະບຽບວິໄນ,ມີການກະທຳຜິດຕໍ່ລະບຽບຂອງກຳລັງ ປກສ.

ໂດຍປະຕິບັດຕາມ ຂໍ້ຕົກລົງ ຂອງລັດຖະມົນຕີກະຊວງປ້ອງກັນຄວາມສະຫງົບ ສະບັບເລກທີ 421 ຫາ430, ລົງວັນທີ 3 ມີນາ 2022 ວ່າດ້ວຍການປະຕິບັດວິໄນນາຍຕໍາຫຼວດ .

ໃນນີ້ ປະຕິບັດວິໄນນາຍຕໍາຫຼວດ ອອກຈາກກຳລັງ ປ້ອງກັນຄວາມສະຫງົບ ຂັ້ນນໍາພາບັນຊາ ຂັ້ນຫົວໜ້າ ແລະ ຮອງຫົວໜ້າ ກອງບັນຊາການ ປກສ ເມືອງ; ເຊິ່ງໃນນີ້ ຊັ້ນ ພັທ ຈໍານວນ 5 ສະຫາຍ, ປົດຊັ້ນ, ປົດຕໍາແໜ່ງ ຊັ້ນ ພັຕ ລົງເປັນ ຮອ ຈໍານວນ 1 ສະຫາຍ, ປະຕິບັດວິໄນ ປົດຊັ້ນ, ປົດຕໍາແໜ່ງ ແລະ ຍ້າຍບ່ອນປະຈຳການຊັ້ນ ຮອ ລົງເປັນ ຮທ ຈໍານວນ 5 ສະຫາຍ.

ນອກຈາກນີ້ຍັງໄດ້ ໂຈະ, ປົດຊັ້ນ, ຕໍາແໜ່ງຂັ້ນຕ່າງໆ ແລະ ຍ້າຍບ່ອນປະຈໍາການ ຊັ້ນ ຮທ ຈໍານວນ 5 ສະຫາຍ ແລະ ຮຕ ຈໍານວນ 3 ສະຫາຍ, ຊັ້ນວາທີ ລົງເປັນ ສິບເອກ, ໂຈະການຍ້ອງຍໍ ຈໍານວນ 2 ສະຫາຍ.

ການປະຕິບັດຄັ້ງນີ້ ຜູ້ກ່ຽວໃຊ້ຖານະຕຳແໜ່ງ,ເພື່ອຫາຜົນປະໂຫຍດສ່ວນຕົວ.

ຂ່າວ: ປກສ ແຂວງ.

ທີ່ມາ.

Leave a Reply

Your email address will not be published.