ສ.ເກົາຫຼີ ຕິດເຊື້ອໂຄວິດ-19 ສູງສຸດ 6 ແສນ ກວ່າຄົນໃນມື້ດຽວ

ສ.ເກົາຫຼີ ຕິດເຊື້ອໂຄວິດ-19 ສູງສຸດ 6 ແສນ ກວ່າຄົນໃນມື້ດຽວ

ສ.ເກົາຫລີ ປະເຊີນກັບການລະບາດຂອງພະຍາດໂຄວິດ-19 ຢ່າງຮ້າຍແຮງ, ລາຍງານກໍລະນີ ຕິດເຊື້ອໃໝ່ ໃນ 24 ຊົ່ວໂມງທີ່ຜ່ານມາ ເພີ່ມຂຶ້ນຫຼາຍກວ່າ 600.000 ຄົນ ທໍາລາຍສະຖິຕິທີ່ຜ່ານມາ.

ໃນຂະນະທີ່ລັດຖະບານ ສ.ເກົາຫຼີ ແມ່ນຜ່ອນມາດຕະການ ໃນການຄວບຄຸມການແຜ່ລະບາດຂອງ COVID-19

ສູນຄວບຄຸມພະຍາດແຫ່ງຊາດ ສ.ເກົາຫຼີ ກ່າວໃນວັນອັງຄານທີ 17 ມີນາ 2022 ນີ້ ວ່າມີຜູ້ຕິດເຊື້ອພະຍາດໂຄວິດ-19 ໃໝ່ 621,328 ຄົນ, ເພີ່ມຂຶ້ນ 55% ຈາກຜູ້ຕິດເຊື້ອພະຍາດໂຄວິດ-19 ໃໝ່ໃນມື້ວານນີ້ຫຼາຍກວ່າ 400,000 ຄົນ.

ຊະນິດ Omicron ນີ້ເຮັດໃຫ້ຈຳນວນຜູ້ຕິດເຊື້ອພະຍາດໂຄວິດ-19 ໃນ ສ.ເກົາຫຼີ ເພີ່ມຂຶ້ນເປັນ 8,250,592 ຄົນ.

ໃນຂະນະດຽວກັນ, ມີ 429 ຄົນເສຍຊີວິດຍ້ອນພະຍາດໂຄວິດ-19 ໃນ ສ.ເກົາຫຼີ, ເປັນຈໍານວນທີ່ສູງທີ່ສຸດໃນມື້ດຽວ. ເຮັດໃຫ້ຈຳນວນຜູ້ເສຍຊີວິດສະສົມຈາກພະຍາດໂຄວິດ-19 ນີ້ ໄດ້ເພີ່ມຂຶ້ນເປັນ 11,481 ຄົນ, ໃນຂະນະທີ່ອັດຕາການຕາຍຈາກ COVID-19 ໃນ ສ.ເກົາຫຼີ. ແມ່ນ 0.14%.

ແນວໃດກໍ່ຕາມ, ຕົວເລກຜູ້ຕິດເຊື້ອພະຍາດ COVID-19 ຮ້າຍແຮງໃນ ສ.ເກົາຫຼີ, ເຊິ່ງເປັນດັດຊະນີຫຼັກໃນການວັດແທກສະຖານະການລະບາດ, ໄດ້ຫຼຸດລົງເຖິງ 1,159 ຄົນໃນມື້ນີ້ ຫຼັງຈາກທີ່ມີ 1,244 ຄົນເຈັບໜັກໃນມື້ກ່ອນ.

ຂໍ້ມູນຈາກ: YONHAP NEWS AGENCY

Leave a Reply

Your email address will not be published.