ດັ່ງກັບເຈົ້າຊາຍສະຫວັນນະເຂດ ແລະ ເຈົ້າຍິງຫຼວງພະບາງ

ດັ່ງກັບເຈົ້າຊາຍສະຫວັນນະເຂດ ແລະ ເຈົ້າຍິງຫຼວງພະບາງ

ເຮັດບຸນດ້ວຍຫຍັງຈຶ່ງໄດ້ແບບນີ້?
ຄູ່ຮັກຄູ່ສ້າງຄູ່ສົມກັນແທ້ໆ ອົບອວນໄປດ້ວຍກິ່ນອາຍຄວາມຮັກ ແລະ ຄວາມສຸກກັບງານແຕ່ງສຸດອະລັງຂອງ ວີນາ ແລະ ສັນຕິ
ດັ່ງກັບເຈົ້າຊາຍສະຫວັນນະເຂດ ແລະ ເຈົ້າຍິງຫຼວງພະບາງ ສົມກັນແທ້ໆ ທັງຄວາມຮູ້ຄວາມສາມາດ ແລະ ໜ້າຕາ.​ ມ່ວນເລີຍບໍ່ພາດຈະສະແດງຄວາມຍິນດີ U Zeng Ousitthideth & Vena Boupha ແລະ ປະມວນພາບບັນຍາກາດງານແຕ່ງຂອງຄູ່ຮັກບ່າວສາວແຫ່ງປີມາຝາກກັນ.
.
ສໍາລັບງານໄດ້ຮັບການຈັດຂຶ້ນຢ່າງງົດງາມ ແລະ ໂຣແມນຕິກ ທ່າມກາງຄວາມຍິນດີຂອງຄອບຄົວ ເພື່ອນມິດສະຫາຍ ລວມທັງມີເຫຼົ່າດາລາຄົນດັງໃນວົງການບັນເທີງຂອງລາວຫຼາຍຄົນເຂົ້າຮ່ວມ ບໍ່ວ່າຈະເປັນໝໍແນ່ງ ຈັນດາລີ,​ ມິລ່າ ນາງສັງຂານ ຫຼວງພະບາງ
ເບບີ້ ເນັດໄອດອລ ພ້ອມດ້ວຍກຸ່ມໝູ່ເຈົ້າສາວ ແລະ ຄົນໃນວົງການບັນເທີງຄົນອື່ນໆອີກຫຼາຍຄົນ ທີ່ມາຮ່ວມສະແດງຄວາມຍິນດີໃນງານສ້າງຄອບຄົວໃໝ່ຄັ້ງນີ້.
“ສັນຕິ ອູ່ສິດທິເດດ” ນັກທຸລະກິດໜຸ່ມຜູ້ຄອງຫົວໃຈ “ວີນາ” ນາງສັງຂານຫຼວງພະບາງ 2008​ ປັດຈຸບັນເປັນຜູ້ອຳນວຍການຂອງສະຖາບັນການເງິນຈຸລະພາກທີ່ຮັບເງິນຝາກສິນຊັບເມືອງເໜືອ (ເຂົ້າປີທີ 5)
.
ວີນາ ຫຼື ປະວີນາພອນ ບຸບຜາ ສິລະປິນສາວ ແລະ ນາງສັງຂານຫຼວງພະບາງ 2008 ຫຼາຍຄົນ ຄົງຈະຍັງຈື່ໄດ້ດີວ່າວີນາເປັນອີກໜຶ່ງຄົນສໍາຄັນໃນວົງການບັນເທີງລາວທີ່ມີຜົນງານຫຼາກຫຼາຍ
ບໍ່ວ່າຈະເປັນການຮ້ອງເພງ ຜົນງານເພງດັງໃນອະດີດຄື ແລ້ວຂ້ອຍເດ ແລະ ຈິງຈັງເທົ່າໃດ, ພ້ອມຍັງມີການສະແດງ, ພິທີກອນຕາມງານອີເວັ້ນຕ່າງໆ.
ຂໍຂອບໃຈ ຮູບພາບ:​ Joniex Thammavongsa ແລະ Alex Aliya Soundala
ໂດຍ: ທີມຂ່າວບັນເທີງ

Leave a Reply

Your email address will not be published.