ສະຖານທູດໄທປະກາດເຕືອນ.!!!ຫ້າມຄົນໄທລັກລອບຂ້າມໄປເຮັດວຽກຢູ່ສາມລ່ຽມທອງຄຳ ແຂວງບໍ່ແກ້ວຢ່າງເດັດຂາດ

ວັນທີ 10 ມີນາ 2022, ຜ່ານມາ ເອກອັກຄະຣາຊະທູດໄທ ປະຈໍານະຄອນຫຼວງວຽງຈັນ ສປປ ລາວ ໄດ້ອອກແຈ້ງການເຕືອນຄົນໄທ ທີ່ຢູ່ຕາມຈັງວັດຊາຍແດນ ລາວ-ໄທ ແຂວງບໍ່ແກ້ວວ່າ: ໃນໄລຍະທີ່ຜ່ານມາທາງສະຖານທຸດໄດ້ຮັບລາຍງາຍງານວ່າມີຂະບວນການຕົວະຍົວະ ຄົນໄທ ແລະ ຊາວຕ່າງຊາດໃຫ້ເຂົ້າໄປເຮັດວຽກໃນພື້ນທີເຂດເສດຖະກິດພິເສດ ສາມລ່ຽມທອງຄຳ ແຂວງບໍ່ແກ້ວ ປະເທດລາວໂດຍການສະຫມັກເທິງສືອ່ອນລາຍ ຫລື ໄດ້ຮັບການຊັກຊວນຈາກນາຍຫນ້າ ທີ່ເປັນຄົນໄທ ໂດຍອ້າງວ່າມີລາຍຮັບ ແລະ ຄ່າຕອບແທນສູງ.

ແຕ່ຄວາມຈິງແລ້ວເມື່ອໄປຮອດເຂດ ພິເສດສາມລ່ຽມທອງຄຳແທ້ແລ້ວຈະຖືກບັງຄັບໃຫ້ເຊັນສັນຍາທີ່ເປັນພາສາຕ່າງປະເທດ ແລະ ບັງຄັບໃຫ້ເຮັດວຽກບໍ່ເປັນຕາມທີ່ຕົກລົງກັນໄວ້ເຊີ່ງຖ້າບໍ່ເຮັດຕາມກໍ່ຈະຖືກຂົ່ມຂູ່ວ່າຈະທຳຮ້າຍຮ່າງກາຍ, ຈຳກັດອິດສະລະພາບ ຫຼື ກັກຂັງ, ຢຶດເອກະສານປະຈຳຕົວໄປຈົນເຖິງການຂາຍຕໍ່ໃຫ້ນາຍຈ່າງຄົນອື່ນ.

ດັ່ງນັ້ນ,ສະຖານທຸດໄທຈື່ງແຈ້ງມາຍັງຄົນໄທ ໂດຍສະເພາະຄົນທີ່ອາໄສຢູ່ຕາມຈັງວັດຊາຍແດນຕິດກັບແຂວງບໍ່ແກ້ວ ແລະ ຈັງຫວັດໃກ້ຄຽງໃຫ້ເບິ່ງຂໍ້ມູນຢ່າງຮອບຄອບຢ່າຫລົງເຊື່ອ ແລະ ຕົກເປັນເຫຍື່ອໃຫ້ແກ່ຂະບວນການຫລອກລ່ວງທີ່ໄປເຮັດວຽກໃນເຂດດັ່ງກ່າວທັງນີ້ ຜູ້ທີເດີນທາງເຂົ້າ ສປປ ລາວ ແບບຜິດກົດຫມາຍຈະຖືກສົ່ງກັບປະເທດ ພ້ອມຂື້ນບັນຊີດຳຫ້າມເຂົ້າ ສປປລາວ ອີກຕໍ່ໄປ ແລະ ອາດຈະຖືກດຳເນີນຄະດີຕາມລະບຽບກົດຫມາຍ ຂອງ ສປປລາວ ມີທັງໂທດປັບໃຫມ່ ແລະ ຕັດ ອິດສະລະພາບ.

.

.

ສຳລັບແຮງງານໄທ ທີ່ຖືກຕົວະຍົວະມາເຮັດວຽກຢູ່ແລ້ວຫາກມີຈຸດປະສົງຕ້ອງການຄວາມຊ່ວຍເຫຼືອແມ່ນໃຫ້ຕິດຕໍ່ຫາສະຖານເອກະອັກຄະຣາຊະທູດໄທປະຈຳນະຄອນຫຼວງວຽງຈັນໄດ້ທີ່ເບີ 020 5551 2228

Leave a Reply

Your email address will not be published.