ປະເທດມະຫາອຳນາດ ພ້ອມໃນການລີກລ່ຽງສົງຄາມນິວເຄຼຍ

ປະເທດມະຫາອຳນາດ ພ້ອມໃນການລີກລ່ຽງສົງຄາມນິວເຄຼຍ

ຈີນ ຣັດເຊຍ ອັງກິດ ສະຫາລັດອາເມຣິກາ ແລະ ຟຣັ່ງເສດ ມະຕິເຫັນພ້ອງໃນການຫຼີກລ່ຽງການແຜ່ກະຈາຍອາວຸດນິວເຄຼຍ ແລະ ການກໍ່ສົງຄາມນິວເຄຼຍ ໂດຍລະບຸວ່າ ” ຈະບໍ່ມີຝ່າຍໃດເປັນຜູ້ຊະນະ ”

ຄຳຖະແຫຼງຮ່ວມທີ່ເຜີຍແຜ່ໂດຍທຳນຽບເຄັລມລິນເມື່ອວັນຈັນ ( 3 ມັງກອນ ) ລະບຸວ່າ 5 ຊາດມະຫາອຳນາດເຊິ່ງເປັນສະມາຊິກຖາວອນໃນຄະນະຄວາມຫມັ້ນຄົງແຫ່ງສະຫາປະຊາຊາດ ເລັງເຫັນເຖິງຄວາມຮັບຜິດຊອບທີ່ຈະຕ້ອງຫຼີກລ່ຽງສົງຄາມລະຫວ່າງທີ່ຄອບຄອງນິວເຄຼຍ ແລະ ລົດຄວາມສ່ຽງທາງຍຸດຖະສາດລົງ ໃນຂະນະດຽວກັນ ກໍຕ້ອງຮ່ວມມືກັບທຸກປະເທດເພື່ອສ້າງບັນຍາກາດແຫ່ງຄວາມຫມັ້ນຄົງ.

“ເຮົາຂໍປະກາດຍຶນຍັນວ່າ ບໍ່ມີຝ່າຍໃດເປັນຜູ່ຊະນະໃນສົງຄາມນິວເຄຼຍ ແລະ ຈະຕ້ອງບໍມີສົງຄາມເກີດຂຶ້ນ” ຄຳຖະແຫຼງຮ່ວມເປັນພາສາອັງກິດໄດ້ລະບຸ.

“ເນື່ອງຈາກການໃຊ້ອາວຸດນິວເຄຼຍຍ່ອມສົ່ງຜົນກະທົບເປັນວົງກ້ວາງ ເຮົາຈຶ່ງຂໍປະກາດເຊັ່ນກັນວ່າ ຖ້າວ່າມັນຍັງຄົງມີອາວຸດນິວເຄຼຍຢູ່ ມັນຈະຕ້ອງຖຶກໃຊ້ເພື່ອການປ້ອງກັນ ປົກປ້ອງການຮຸກຮານ ແລະ ຫຼີກລ່ຽງການກໍ່ໃຫ້ເກີດສົງຄາມເທົ່ານັ້ນ”

ທາງດ້ານຂອງຟຣັ່ງເສດຍັງໄດ້ອອກຖະແຫຼງການຕ່າງຫາກອີກສະບັບ ເພື່ອຍໍ້າເຖິງຄວາມຫມຸ່ງຫມັ້ນຂອງ 5 ປະເທດມະຫາອຳນາດທີ່ຈະຄວາມຄູມ ແລະ ປົດອາວຸດນິວເຄຼຍ ໂດຍຈະໃຊ້ແນວທາງທັ້ງໃນລະດັບທະວິພາຄີ ແລະ ພະຫຸພາຄີ ເພື່ອຄວບຄູມອາວຸດນິວເຄຼຍ.

ຄຳຖະແຫຼງຮ່ວມຈາກກູ່ມ ” ພີ5 ” ມີຂຶ້ທ່າມກາງຄວາມສຳພັນສະຫາລັດ-ຣັດເຊຍ ທີ່ຕົກຕໍ່າທີ່ສຸດໃນຍຸກຫັຼງສົງຄາມເຢັນ ໃນຂະນະທີ່ຄວາມສຳພັນສະຫາລັດ-ຈີນ ກໍມີຄວາມຕິງຄຽດຢ່າງຫນັກເນື່ອງຈາກຂໍ້ພິພາດຫຼາຍໆດ້ານ.

ເມື່ອເດືອນ ພຶດສະພາ ທີ່ຜ່ານມາ ກະຊວງກະລາໂຫມສະຫາລັດ ໄດ້ປັບເພີ່ມຄາດການຄັງແສງນິວເຄຼຍຂອງປັກກິ່ງໃນຊ່ວງບໍ່ເທົົ່າໃດປີທີ່ຜ່ານມາ ໂດຍຄາດວ່າຈິີນມີຫົວຣົບນິວເຄຼຍເຖິງ 700 ພາຍໃນປີ 2027 ແລະ ອາດຈະເພີ່ມຂຶ້ນເປັນ 1000 ຫົວຣົບພາຍໃນປີ 2030.ສະຫາລັດ ພະຍາຍາມຮຽກຮ້ອງເລື້ອຍມາໃຫ້ຈີນເຂົ້າຮ່ວມລົງນາມສົນທິສັນຍາຄວບຄູມອາວຸດນິວເຄຼຍວະບັບໃຫມ່ກັບ ວໍຊິງຕັນ ແລະ ຣັດເຊຍ.

ຂະນະດຽວກັນ ຄວາມຕຶງຄຽດດ້ານພູມມິສາດ ລະຫວ່າງມອດສໂກ ກັບ ຊາດຕາເວັນຕົກ ກໍ່ທະວີຄວາມຮູນແຮງຂຶ້ນຫັູງຈາກທີ່ຣັດເຊຍສົ່ງທະຫານນັບແສຍນາຍເຂົ້າປະສິດພົມແດນຍູເຄັນ ໂດຍມອດສໂກອ້າງວ່າມີສິດທີ່ຈະເຄື່ອນຍ້າຍກຳລັງພົນໄປຍັງທີ່ໃດກໍໄດ້ໃນດິນແດນຂອງຕົນ.

ເມື່ອວັນພະຫັດທີ່ 30 ທັນວາ ຜ່ານມານີ້ ປະທານາທິບໍດີ ໂຈໄບເດັນ ແຫ່ງສະຫາລັດ ໄດ້ກ່າວເຕືອນປະທານາທິບໍດີ ດິວລາດີເມຍ ປູຕີນ ແຫ່ງຣັດເຊຍວ່າ ການຮູກຮານຍູເຄັນ ຈະເຮັດໃຫ້ຣັດເຊຍຖຶກໂລກຕາເວັນຕົກຕອບໂຕ້ດ້ວຍມາດຕະການຄວໍ້າບາດຂະຫນາດໃຫຍ່ ແລະ ບີບໃຫ້ສະຫາລັດ ຕ້ອງເສີມກຳລັງໃນຢຍູໂຣບ.

ສະຫາລັດ ແລະ ຣັດເຊຍ ກຽມເປີດກອງປະຊູມດ້ານຄວາມຫມັ້ນຄົງໃນວັນທີ່  ມັງກອນ  ນີ້ ເພື່ອ ຫາລືຂໍ້ກັງວົນຕ່າງໆ ກ່ຽວກັບກິດຈະກຳທາງການທະຫານຂອງອີກຝ່າຍ ແລະ ຫຼຸດຜ່ອນຄວາມຕຶງຄຽດຈາກກໍລະນີຍູເຄັນ.

( ທີ່ມາ ລອຍເຕີ )

Leave a Reply

Your email address will not be published.