ປະເທດເຮົາມີເງື່ອນໄຂສະດວກໃນການປ່ຽນນໍ້າກາຍເປັນພະລັງງານສະອາດ

ປະເທດເຮົາມີເງື່ອນໄຂສະດວກໃນການປ່ຽນນໍ້າກາຍເປັນພະລັງງານສະອາດ

ຕື່ນເຖີດຊາວລາວ “ປະເທດເຮົາມີເງື່ອນໄຂສະດວກໃນການປ່ຽນນໍ້າກາຍເປັນພະລັງງານສະອາດ (ໄຮໂດຣເຈນ) ດ້ວຍພະລັງງານໄຟຟ້າ ແລະ ສປຈີນ

ໄດ້ກຳນົດເປົ້າໝາຍນໍາໃຊ້ພາຫະນະຂົນສົ່ງທີ່ແລ່ນດ້ວຍເຊື້ອເຜີງດັ່ງກ່າວ 50,000 ຄັນ ແລະ ຈະຜະລິດໃຫ້ໄດ້ 100,000 – 200,000 ໂຕນພະລັງງານສະອາດທີ່ໄດ້ຈາກໂມເລກຸນນໍ້າ (ປີ 2025)”.

China aims to have about 50,000 hydrogen-fueled vehicles and produce 100,000 to 200,000 tonnes of green hydrogen a year by 2025, according to an official plan released on Wednesday 23, 2022.

ສປປລາວ ມີທ່າແຮງສູງສຸດ “ການລົງທຶນນໍາໃຊ້ເຕັກ​ໂນ​ໂລ​ຊີ​ການ​ຜະ​ລິດພະລັງງານຂຽວ Hydrogen ຈາກນໍ້າ, ອາໄສ​ພະ​ລັງ​ງານ​ໄຟ​ຟ້າ ທີ່ປ່ຽນນໍ້າໃຫ້ເປັນນໍ້າມັນ” (ບົດຄວາມນີ້ອອກເຜີຍແຜ່ 07 ທັນວາ 2017 ນະຄອນຫຼວງວຽງຈັນ ສປປລາວ).

(ກ). ສະ​ພາບ​ທາງ​ດ້ານ​ເຕັກ​ໂນ​ໂລ​ຊີ:

(1) ເປັນ​ເຕັກ​ໂນ​ໂລ​ຊີ ທີ່​ໄດ້​ມີ​ການ​ຜະ​ລິດ ແລະ ນຳ​ໃຊ້​ຜ່ານ​ມາ​ແລ້ວ ໃນ​ປະ​ເທດ Norway ຕາມ​ນະ​ໂຍ​ບາຍ​ສົ່ງ​ເສີມ​ການ​ນຳ​ໃຊ້​ພະ​ລັງ​ງານ​ສະ​ອາດ, ຫຼຸດ​ຜ່ອນປະ​ລິ​ມານ​ການ​ປ່ອຍ CO2 ທີ່​ເປັນ​ມົນ​ລະ​ພີດ​ຕໍ່​ສະ​ພາບ​ແວດ​ລ້ອມ ແລະ ບໍ່ເປັນການ​ສ້າງ​ອາຍ​ພິດ ເຮືອນ​ແກ້ວ;

(2) ເປັນ​ການ​ນຳ​ໃຊ້ ພະ​ລັງ​ງານ​ໄຟ​ຟ້າ ເພື່ອ​ປ່ຽນ​ນໍ້າ (H2O) ກາຍ​ເປັນ​ທາດ​ອາຍ (H2) ແລະ (O2);

(3) ນຳ​ໃຊ້​ເຕັກ​ໂນ​ໂລ​ຊີ ຈາກປະ​ເທດ​ເຢຍ​ລະ​ມັນ ເພື່ອ​ເກັບ​ຮັກ​ສາ​ທາດ​ອາຍ​ໄຮ​ໂດ​ຣ​ເຈນ ໃນ​ສະ​ພາບ​​ເປັນທາດ​ແຫຼວ​ທີ່​ສາ​ມາດ​ເກັບ​ຮັກ​ສາ​ໃນ​ບໍ​ລິ​ມາດ​ຈຳ​ນວນ​ນ້ອຍ ແລະ ຂົນ​ສົ່ງ​ໄດ້​ສະ​ດວກ​ດັ່ງເຊື້ອ​ພະ​ລັງ​ງານ​ທົ່ວ​ໄປ (ນໍ້າມັນ);

(4) ການ​ປະ​ເມີນ​ເງື່ອນ​ໄຂ​ການ​ລົງ​ທຶນ​ຂອງ​ບໍ​ລິ​ສັດ ​ແມ່ນ​ຕ້ອງ​ລົງ​ທຶນ​ໃນ​ປະ​ເທດ​ທີ່​ມີ​ຊັບ​ພະ​ຍາ​ກອນ​ນໍ້າພຽງ​ພໍ, ມີ​ແຫຼ່ງ​ພະ​ລັງ​ງານ​ໄຟ​ຟ້ານໍ້າຕົກ, ມີ​ເງື່ອນ​ໄຂ​ໃນ​ການ​ສົ່ງ​ອອກ​ທາງ​ດ້ານ​ການ​ຕະຫຼາດ​ພະ​ລັງ​ງານ​ສະ​ອາດ Hydrogen (ຜູ່ມີ​ຄວາມຕ້ອງ​ການ​ສູງ​ ​ໃນ​ປະ​ຈຸ​ບັນ ແມ່ນ ສ​ປຈີນ ແລະ ປ​ະ​ເທດ​ຍີ່​ປຸ່ນ);

(5) ຄາດ​ຄະ​ເນ​ຕົວ​ເລກ​ການ​ລົງ​ທຶນ​ແມ່ນ​ໄລຍະເບື້ອງຕົ້ນຕ້ອງ​ໃຊ້​ພະ​ລັງ​ງານ​ໄຟ​ຟ້າ ຈຳ​ນວນ 60 MW ຈຶ່ງ​ສາ​ມາດ​ປ່ຽນ​ນໍ້າໃຫ້​ເປັນ​ທາດ Hydrogen 24 ໂຕນ ແລະ ມູນ​ຄ່າການ​ຂາຍປາຍທາງ Hydrogen ແຫຼວ ຕ້ອງ​ສູງກວ່າ 04 ເທົ່າ​ຂອງ​ກະ​ແສ​ໄຟ​ຟ້າ ຈຶ່ງ​ຄຸ້ມ​ຄ່າ​ໃນ​ການ​ລົງ​ທຶນ;

6) ໃນ​ຂະ​ບວນ​ການ​ຜະ​ລິດ Hydrogen ແມ່ນ​ໄດ້​ມີ​ການ​​ປະປ່ອຍ​ທາດ Oxygen ອອກ​ສູ່​ບັນ​ຍາ​ກາດ ແລະ ໄດ້​ຮັບມາດ​ຕະ​ຖານ​ເຕັກ​ໂນ​ໂລ​ຊີສະ​ອາດ ຂອງ​ສະ​ຫະ​ພາບ​ເອີ​ລົບ ເປັ​ນ​ທີ່​ຮຽບ​ຮ້ອຍ​ແລ້ວ.

(ຂ). ສະ​ພາບ​ຄວາມສາມາດຮອງ​ຮັບ ໂຄງ​ການ​ລົງ​ທຶນ​ຂອງ ສ​ປ​ປລາວ:

(1) ປະ​ເທດເຮົາ​ໄດ້​ອີງ​ໃສ່​​ພະ​ລັງ​ງານ​ໄຟ​ຟ້າ​ນໍ້າຕົກເປັນທ່າ​ແຮງ, ແຕ່​ພວ​ກ​ເຮົ​າ​ຍັງມີ​ຂໍ້​ຈຳ​ກັດ​ວ່າ ບໍ່​ສາ​ມາດ​ເກັບ​ຮັກ​ສາ ແລະ ​ແປ​ຮູບ​ພະ​ລັງ​ງານ​ໄຟ​ຟ້າ​ ທີ່​ຕົນ​ເອງ​ມີໃນ​ເງື່ອນ​ໄຂ​ສະ​ພາບ​​ການ​ຜະ​ລິດ​ເຫຼືອ ຫຼື ບໍ່​ສົມ​ສ່ວນ​ກັບ​ຄວາມ​ຕ້ອງ​ການ​ຂອງ​ຕະຫຼາດ;

(2) ສ​ປ​ປລາວ ບໍ່​ມີ​ລະ​ບົບ​ຕາ​ໜ່າງ​ໄຟ​ຟ້າ ເປັນ​ຂອງ​ຕົນ​ເອງ, ຕ້ອງ​ໄດ້​ນຳ​ໃຊ້​ລະ​ບົບ​ຕາ​ໜ່າງ​ຈາກ​ປະ​ເທດ​ອື່ນ ຫຼື ປະ​ເທດ​ເພື່ອນ​ບ້ານ​ເປັນ​ບ່ອນ​ກະ​ຈ່າຍສົ່ງ​ກະ​ແສ​ໄຟ​ຟ້າ ແລະ ຮອງ​ຮັບ​ການ​ຜະ​ລິດ​ທີ່ເກີນຄວາມ​ຕ້ອງ​ການ, ເຮັດໃຫ້ເຮົາບໍ່ສາມາດຕໍ່ລອງລາຄາໄຟຟ້າໄດ້ ແລະ ການລົງທຶນສ້າງລະບົບເຄືອຄ່າຍໄຟຟ້າ ແມ່ນຕ້ອງໄດ້ອີງໃສ່ການລົງທຶນສູງ;

(3) ອີງຕາມ​ເຕັກ​ໂນ​ໂລ​ຊີ ຫຼື ວິ​ທີ​ການ​ດ້ານ​ເຕັກນິກຂອງປະເທດອື່ນ, ໃນຊ່ວງທີ່ລາ​ຄາ​ໄຟຟ້າ​ຕົກແມ່ນເຂົາເຈົ້າໄດ້ນຳໃຊ້​ພະ​ລັງ​ງານໄຟຟ້າ ເພື່ອດູດນໍ້າຈາກໜ້າເຂື່ອນກັບຄືນໄປໄວ້​ໃນ​ອ່າງເກັບນໍ້າ (ແຕ່ປະເທດເຮົາເຫັນວ່າບໍ່ມີຄວາມຈຳເປັນ ເພາະ​ວ່າ​ນໍ້າໃນເຂື່ອນຢູ່ ສປປລາວ ແມ່ນມີພຽງພໍ ສຳ​ລັບ ການ​ຜະ​ລິດໄຟໄດ້ຕະຫຼອດປີ);

(4) ເມື່ອມີການສ້າງໂຄງການ Green Hydrogen ຢູ່ ສປປລາວ ເຫັນ​ວ່າ​ ມີ​ສະ​ພາບເໝາະສົມທີ່ສຸດ ແລະ ສອດຄ່ອງກັບເປົ້າໝາຍຂອງທັງສອງຝ່າຍຄື ສາມາດແປຮູບພະລັງງານໄຟຟ້າເປັນພະລັງງານສະອາດ, ມີທ່າແຮງໃນການຜະລິດເພື່ອ​ສົ່ງ​ອອກ ແລະ ຢູ່ໃກ້ກັບແຫຼ່ງທີ່ຕ້ອງການຮັບຊື້ (ສປ ຈີນ ແລະ ປະເທດຢີ່ປຸ່ນ);

(5) ອີງຕາມການເຂົ້າເປັນພາຄີຂອງ​ສົນ​ທິ​ສັນ​ຍາຫຼຸດຜ່ອນທາດມົນລະພິດ ແລະ ຄວາມຮ້ອນ ຂອງ ສປປລາວ, ປະຈຸບັນແມ່ນທົ່ວທັງໂລກແມ່ນສົ່ງເສີມການນຳໃຊ້ພະລັງງານສະອາດ ເຊັ່ນ: ພະລັງງານໄຟຟ້າ ແລະ ພະລັງງານ Hydrogen ແຫຼວ;

6) ມັນຈະ​ເປັນການປະກອບສ່ວນພັນທະຂອງ ສປປລາວ ທີ່ມີຕໍ່ສາກົນ, ເປັນໂຄງການທີ່ດີ ແລະ ເປັນທ່າອ່ຽງ​ຂອງການພັດທະນາແບບຢືນຍົງໃນຍຸກປະຈຸບັນ ແລະ ເປັນໂຄງການທີ່ນຳໃຊ້ຈຸດພິເສດທ່າແຮງປະເທດເຮົາ.

ແຫຼ່ງຂ່າວ:

https://m.facebook.com/story.php?story_fbid=1775505045992546&id=100005992024376

Leave a Reply

Your email address will not be published.