ໝັກໆ ! ຣັດເຊຍມີແນວໂນມ້ຈະໃຊ້ອາວຸດນິວເຄຼຍຈິງ

ໝັກໆ ! ຣັດເຊຍມີແນວໂນມ້ຈະໃຊ້ອາວຸດນິວເຄຼຍຈິງ

Japan: ຟູມໂອະ ຄິຊິດະ ນາຍົກລັດຖະມົນຕີຍີ່ປຸ່ນ ກ່າວໃນວັນເສົາ (26/3/22)ວ່າມີແນວໂນ້ມໃນການໃຊ້ອາວຸດນິວເຄຼຍຂອງຣັສເຊຍ”ເພີ່ມຂື້ນຢ່າງແທ້ຈິງ” ຂະນະທີ່ການຕ້ອນຮັບໂດຍທູດສະຫະລັດອາເມຣິກາ ປະຈຳເມືອງຮີໂຣຊິມາ ເມືອງທຳອິດທີ່ຖືກໂຈມຕີດ້ວຍອາວຸດນິວເຄຼຍ.

ຍີ່ປຸ່ນ ຊຶ່ງເປັນປະເທດດຽວທີ່ເຄີຍຖືກໂຈມຕີດ້ວຍລະເບີດປະລະມະນູ ໄດ້ອອກມາຕໍ່ຕ້ານການໃຊ້ອາວຸດນິວເຄຼຍເປັນປະຈຳ ໂດຍຄິຊິດະ ຊຶ່ງເປັນຕົວແທນຂອງຮີໂຣຊິມາ ຂອງສະພາ ໄດ້ໄປຢ່ຽມຊົມອະນຸສອນສະຖານສັນຕິພາບ ແລະ ພິພິທະພັນ ຂອງເມືອງເມື່ອວັນເສົາ(26/3/22)ພ້ອມກັບທູດ ເອັນມານູເອວ ທູດສະຫະລັດອາເມຣິກາ ປະຈຳເມືອງຮີໂຣຊິມາ.

“ເມື່ອຄວາມເປັນໄປໄດ້ໃນການໃຊ້ອາວຸດນິວເຄຼຍຂອງຣັສເຊຍເພີ່ມຂຶ້ນຢ່າງແທ້ຈິງ“ ເຊື່ອວ່າທູດເອມມານູເອວ ໄດ້ໄປເຍືອນຮີຊິມາ ແລະ ປະສົບການ ການໄດ້ເຫັນຜົນກະທົບຂອງນິວເຄຼຍຢ່າງແທ້ຈິງ ຈະເປັນສານສຳພັນທີ່ແຂງແຮງເຖິງປະຊາຄົມໂລກ “ຄິຊິດະ” ກ່າວໃນການໃຫ້ສຳພາດກັບສະຖານີໂທລະພາບNHK ຄິຊິດະຍັງລະບຸວ່າ ການຮຸກຮານຢູເຄຣນຂອງຣັສເຊຍ ສະແດງໃຫ້ໂລກເຫັນວ່າ ການສ້າງໂລກທີ່ບໍ່ມີນິວເຄຼຍນັ້ນຍາກລຳບາກພຽງໃດ.

ຢ່າງໃດກໍ່ດີ ສຳນັກຂ່າວ AFP ລາຍງານວ່າ ວະລາດິເມ່ຍ ປູຕິນ ບໍ່ໄດ້ຂູ່ຈະໃຊ້ນິວເຄຼຍໂດຍກົງ ແຕ່ເຂົາໄດ້ກ່າວຄຳເຕືອນໃນການເລີ່ມປະຕິບັດການຮຸກຮານເມື່ອວັນທີ່ 24/2/2022 ວ່າ ໃຜກໍ່ຕາມທີ່ຕໍ່ຕ້ານຣັສເຊຍ ອາດຈະຜະເຊີນ

“ຜົນທີ່ຕາມມາ ຢ່າງທີ່ບໍ່ເຄີຍເຈີມາກ່ອນໃນປະຫວັດສາດ” ຊຶ່ງເປັນຂໍ້ຄວາມທີ່ຜູ້ນຳບາງຄົນເຫັນວ່າເປັນການຂູ່ໃຊ້ອາວຸດນິວເຄຼຍ ເພາະ “ປູຕິນ” ເຄີຍປະກາດມາຕະຫລອດວ່າຈະບໍ່ບຸກໂຈມຕີຢູເຄຣນ ແຕ່ກໍ່ບຸກໂຈມຕີ ເວົ້າກົງກັນຂ້າມກັບການທີ່ເຄີຍກາດປະກາດມາຕະຫລອດ.

ດ້ານ ດະມິທຣີ ເປສຄອຟ ໂຄສົກຂອງລັດຖະບານຣັສເຊຍ ກ່າວເມື່ອວັນຄານ ທີ່ຜ່ານມານີ້ວ່າ ຣັສເຊຍ ອາດຈະໃຊ້ອາວຸດນິວເຄຼຍ ກໍ່ດ້ວຍເພື່ອຕອບໂຕ້ “ໄພຄຸກຄາມຕໍ່ປະເທດທີ່ເຫັນໄດ້ຢ່າງຊັດເຈນ”ເທົ່ານັ້ນ.

ຂະນະທີ່ປະຊຸມອຸສາຫະກຳ ຫລື G7 ໄດ້ເຕືອນຣັສເຊຍໃນວັນພະຫັດ(24/3/22)ທີ່ຜ່ານມາວ່າ ຫ້າມຣັສເຊຍບໍ່ໃຫ້ໃຊ້ອາວຸດເຄມີ ຫລື ອາວຸດນິວເຄຼຍໃນການເຮັດສົງຄາມກັບຢູເຄຣນ.

ຂໍ້ມູນຈາກ: LTS Laos News

#ໄລ່ຕາມກະແສຂ່າວ

Leave a Reply

Your email address will not be published.