ເຕືອນແລ້ວບໍ່ຟັງ.!!!ເປີດເພງແຮງສຽງດັງລົບກວນຄົນອື່ນສຸດທາຍກະແຈບມັບ.

ຂໍອະນຸຍາດນຳໃຊ້ Facebook ລົງຂ່າວເລື່ອງມົນລະພິດທາງສຽງລະເມີດຄຳສັ່ງເຈົ້າຄອງນະຄອນຫຼວງວຽງຈັນ (ສຳລັບຄົນທີ່ແຊຣ໌ໂພດສ໌ ຂຽນແຄັບຊັ່ນ ແລະ ສົ່ງຂໍ້ຄວາມດ່າຂ້າພະເຈົ້າເສຍໆຫາຍໆ ກະລຸນາອ່ານຄຳສັ່ງໃຫ້ລະອຽດກ່ອນປະຕິບັດເຊັ່ນນັ້ນ ເພາະໃນນັ້ນມີຂຽນໄວ້ຈະແຈ້ງໝົດແລ້ວ).
May be an image of 2 people and text
ໝາຍເຫດ 1: ເນື້ອຫາມີການຮ້ອງຖຽງໂວຍວາຍສຽງດັງ.
May be an image of one or more people and text
May be an image of text
ໝາຍເຫດ 2: ຂ້າພະເຈົ້າບໍ່ໄດ້ຢາກໂດ່ງດັງ ອັນໃດຜິດກໍເວົ້າກັນໄປຕາມຜິດ ອັນໃດຖືກກໍເວົ້າກັນໄປຕາມຖືກ ອັນນີ້ມັນຫຼາຍເທື່ອແລ້ວ ງານດອງກໍບໍ່ແມ່ນ ງານມຸງຄຸນກໍບໍ່ແມ່ນ ຊ້ຳບໍ່ໜໍາບໍ່ໄດ້ຮັບອະນຸຍາດຈາກອົງການປົກຄອງ ນ້ອງຂ້າພະເຈົ້າຈະຮຽນໜັງສືກໍບໍ່ເປັນອັນຮຽນ ຂ້າພະເຈົ້າເອງຈະເຮັດວຽກກໍບໍ່ເປັນອັນເຮັດວຽກ ບ້ານເມືອງມີກົດໝາຍ ສະນັ້ນ ຂ້າພະເຈົ້າເອງໃນຖານະພົນລະເມືອງຜູ້ໜຶ່ງກໍຕ້ອງການໃຫ້ກົດໝາຍນັ້ນມີຜົນສັກສິດແທ້ ບໍ່ແມ່ນໃຜຢາກກະທຳຫຍັງກໍກະທຳ ຫາກເປັນເຊັ່ນນັ້ນ ຈະມີກົດໝາຍຈະມີຄຳສັ່ງໄວ້ເພື່ອຫຍັງ ແມ່ນ ຫຼື ບໍ່? ດັ່ງນັ້ນ ຈຶ່ງຂໍອະນຸຍາດລົງຂ່າວນີ້ເພື່ອໃຊ້ສື່ສານເຖິງພາກສ່ວນທີ່ກ່ຽວຂ້ອງພ້ອມທັງບອກເລົ່າເຫດການສະພາບບ້ານເມືອງເພື່ອໃຫ້ທຸກຄົນໃນສັງຄົມຊ່ວຍເປັນຫູເປັນຕານຳກັນ.
ໃນວັນອາທິດ 27 ມີນາ 2022 ເວລາ 22:15 ມື້ອື່ນວັນຈັນຂ້າພະເຈົ້າຕ້ອງຕື່ນມາເຮັດວຽກ ແລະ ນ້ອງສາວຂ້າພະເຈົ້າຕ້ອງໄປຮຽນໜັງສືແຕ່ເຊົ້າ. ດັ່ງນັ້ນ ພວກເຮົາຕ້ອງການພັກຜ່ອນ ແຕ່ຂ້າງບ້ານ (ຮ້ານ ຫຼ້າ ເມືອງພວນ ຂາຍລົດໃຫຍ່ ຂາຍສົດ-ຂາຍຜ່ອນ 020 5999 9114, 030 999 9114 ທີ່ບ້ານໜອງພະຍາໃກ້ກັບອານຸສິດສາຂາໜອງພະຍາ) ຊຸມແຊວເປີດເພງສຽງດັງອຶກກະທຶກປານຢູ່ໃນເທັກໃນບາຣ໌ດັງຂະໜາດທີ່ວ່າບໍ່ເປັນອັນນອນ ແລະ ເນື່ອງໃນໂອກາດໃດກໍບໍ່ຊາບ ແລະ ຈຳເປັນ ຫຼື ບໍ່ກໍບໍ່ຮູ້ ແລະ ແນ່ນອນນີ້ເປັນການຈັດງານຊຸມແຊວໂດຍທີ່ບໍ່ໄດ້ຮັບອະນຸຍາດຈາກອົງການປົກຄອງ (ນີ້ບໍ່ແມ່ນຄັ້ງທຳອິດ ມີເຫດການແບບນີ້ຊ່ວງໂຄວິດ-19 ມາແລ້ວຫຼາຍຄັ້ງ ບາງຄັ້ງຮອດ 1:00 ກາງຄືນ) ຄັ້ງນີ້ ນ້ອງສາວຂ້າພະເຈົ້າໄປຂໍໃຫ້ຜ່ອນສຽງແລ້ວເທື່ອໜຶ່ງ ແຕ່ເພິ່ນບໍ່ຜ່ອນສຽງໃຫ້ ຊ້ຳບໍ່ໜໍາຍັງເປີດເພງສຽງດັງກວ່າເກົ່າອີກ ເລີຍໄປຂໍໃຫ້ຜ່ອນສຽງໃຫ້ອີກຄັ້ງ ແຕ່ກໍມີການຮ້ອງຖຽງໂວຍວາຍສຽງດັງສະແດງເຖິງຄວາມບໍ່ພໍໃຈຕໍ່ການທີ່ພວກເຮົາໄປຂໍໃຫ້ຜ່ອນສຽງລົງ.
ສະນັ້ນ, ພວກເຮົາຈຶ່ງຢາກຂໍໃຫ້ອົງການຈັດຕັ້ງທີ່ກ່ຽວຂ້ອງຊ່ວຍພິຈາລະນາແກ້ໄຂໃຫ້ແນ່ຖ້ອນ ເພາະໄດ້ໂທ ແລະ WhatsApp ໄປຫາສາຍດ່ວນຮັບແຈ້ງມົນລະພິດທາງສຽງ ປກສ ນະຄອນຫຼວງວຽງຈັນ ໝາຍເລກ 28899774 ແລ້ວ ແຕ່ເພິ່ນກໍໄດ້ພຽງແຕ່ຮັບເລື່ອງໄວ້ເທົ່ານັ້ນ ສ່ວນໝາຍເລກ 55609035 ແລະ 52555512 ແມ່ນບໍ່ມີໃຜຮັບສາຍ.
ລາຍລະອຽດເພີ່ມເຕີມເບິ່ງໄດ້ໃນຮູບພາບ ແລະ ວິດີໂອ.
ຊົມຄລີບ


ທີມາ

Leave a Reply

Your email address will not be published.