ເນເທີແລນ ຂັບໄລ່ນັກການທູດຣັດເຊຍ 17 ຄົນ ອອກຈາກປະເທດ

ເນເທີແລນ ຂັບໄລ່ນັກການທູດຣັດເຊຍ 17 ຄົນ ອອກຈາກປະເທດ

ເນເທີແລນ ຂັບໄລ່ນັກການທູດຣັດເຊຍ 17 ຄົນ ອອກຈາກປະເທດ

ເນເທີແລນ ໄດ້ປະກາດໃນວັນອັງຄານວານນີ້ວ່າ ຕົນໄດ້ຂັບໄລ່ນັກການທູດຣັດເຊຍ 17 ຄົນ ອອກຈາກປະເທດ ໂດຍໃຫ້ເຫດຜົນວ່າ ເຂົາເຈົ້າ “ເປັນໄພຂົ່ມຂູ່ຕໍ່ຄວາມປອດໄພຂອງປະເທດ.” ກະຊວງຕ່າງປະເທດເນທີແລນ ກ່າວວ່າ ເຫດຜົນຂອງການຂັບໄລ່ນີ້

ແມ່ນມີຂໍ້ມູນທີ່ສະແດງໃຫ້ເຫັນວ່າ ທັງ 17 ຄົນ ພາກັນ “ປະຕິບັດງານແບບລັບໆ ໃນນາມພວກເຈົ້າໜ້າທີ່ສືບລັບ.”ກະຊວງຕ່າງປະເທດເນເທີແລນ ກ່າວເພີ້ມອີກວ່າ “ໄພຂົ່ມຂູ່ຈາກການສືບລັບຕໍ່ເນເທີແລນຍັງຄົງມີສູງຢູ່. ທ່າທາງຂອງຣັດເຊຍ ໃນເວລານີ້ ໂດຍທົ່ວໄປແລ້ວເຮັດໃຫ້ການມີໜ້າຂອງພວກເຈົ້າໜ້າທີ່ສືບລັບເຫຼົ່ານີ້ ບໍ່ເປັນທີ່ພຶງປາດຖະໜາ.”

ລາຍງານກ່າວວ່າ ເນເທີແລນໄດ້ທຳການເຄື່ອນໄຫວ ຫຼັງຈາກໄດ້ປຶກສາຫາລື ກັບ ຫຼາຍໆປະເທດ.

ລັດຖະມົນຕີການຕ່າງປະເທດເນເທີແລນ ທ່ານໂວບກີ ໂຮເອັກສ໌ຕຣາ ກ່າວວ່າ ປະເທດຂອງທ່ານໄດ້ຕຽມພ້ອມແລ້ວ ຖ້າຫາກຣັດເຊຍ ເອົາມາດຕະການຕອບໂຕ້ຕໍ່ພວກເຈົ້າໜ້າທີ່ເນເທີແລນ ຢູ່ໃນຣັດເຊຍ. ເມື່ອໄວໆມານີ້ ກໍໄດ້ມີການເອົາມາດຕະການທີ່ຄ້າຍຄືກັນ ໂດຍສະຫະລັດ ໂປແລນບຸລກາເຣຍ ສະໂລວາເກຍ ແອັສໂທເນຍ ລີທົວເນຍ ແລະ ມົງເຕເນໂກຣ

ທີ່ມາ VOA Lao

Leave a Reply

Your email address will not be published.