ລຸ້ນໄປນຳກັນ…!!!ກະຊວງອຸດສາຫະກໍາ ແລະ ການຄ້າ, ກະຊວງການເງິນ ປຶກສາຫາລື ປັບອາກອນນຳໃຊ້ນ້ຳມັນລົງ 50% ເພື່ອໃຫ້ສັງຄົມໃຊ້ນ້ຳມັນຖືກລົງ.

ລຸ້ນໄປນຳກັນ…!!!ກະຊວງອຸດສາຫະກໍາ ແລະ ການຄ້າ, ກະຊວງການເງິນ ປຶກສາຫາລື ປັບອາກອນນຳໃຊ້ນ້ຳມັນລົງ 50% ເພື່ອໃຫ້ສັງຄົມໃຊ້ນ້ຳມັນຖືກລົງ.

ວັນທີ 6 ເມສາ 2022 ນີ້ທີ່ກະຊວງອຸດສາຫະກໍາ ແລະ ການຄ້າ, ກະຊວງການເງິນ, ກະຊວງອຸດສາຫະກໍາ ແລະ ການຄ້າ, ບັນດາຜູ້ປະກອບການນໍາເຂົ້າ ແລະ ສົ່ງອອກນໍ້າມັນເຊື້ອໄຟ ໄດ້ຮ່ວມກັນປຶກສາຫາລື ຊອກຫາວິທີການ ປະຄັບປະຄອງລາຄານ້ໍາມັນບໍ່ໃຫ້ເຫນັງຕີງສູງເກີນໄປ.

ທ່ານ ຄໍາແພງ ໄຊສົມແພງ ລັດຖະມົນຕີກະຊວງ ອຄ ກ່າວວ່າ: ກອງປະຊຸມໄດ້ຫາລືຊອກວິທີທາງ ປັບບາງໂຄງ ສ້າງລາຄານໍ້າມັນເພື່ອເຮັດແນວໃດໃຫ້ສາມາດປະຄັບປະຄອງລາຄານ້ໍາມັນໃຫ້ໄດ້ຕາມໂຄງສ້າງລາຄານ້ໍາມັນເຊື້ອໄຟ ຄັ້ງວັນທີ 10/3/2022 ກໍຄືແຈ້ງການ ເລກທີ 0260/

ລົງວັນທີ 9/3/2022 ທີ່ກອງປະຊຸມນາຍົກ-ຮອງ ນາຍົກລັດຖະມົນຕີຕົກລົງ ແລະ ໃຫ້ທິດຊີ້ນໍາ, ແນວໃດກໍດີພວກເຮົາຈະໄດ້ສັງ ລວມ ແລະ ບັນທຶກຄໍາຄິດຄໍາ ເຫັນກໍຄືວິທີທາງແກ້ໄຂບັນຫາເພື່ອນໍາສະເຫນີນາຍົກ-ຮອງນາຍົກລັດຖະມົນ ຕີ ເພື່ອພິຈາລະນາໃຫ້ເຮັດທົດລອງ ໃນໄລຍະ 3 ເດືອນ.

ທ່ານ ບຸນໂຈນ ອຸບົນປະເສີດ ລັດຖະມົນຕີກະຊວງການເງິນໄດ້ສະເຫນີບາງວິທີແກ້ໄຂວ່າ: ລັດຖະບານມີທິດທາງ ຈະຊ່ວຍຫນູນຜູ້ປະກອບການ ແລະ ສັງຄົມ ກໍຄືປະຊາຊົນ ເພື່ອບໍ່ໃຫ້ລາຄານ້ໍາມັນແພງກວ່ານີ້ໂດຍຢາກຮັກສາ ລາຄາໃນວັນທີ 10 ມີນາ2022 ເປັນລາຄາຂາຍຫນ້າປ້ໍາ ຊຶ່ງລັດຖະບານຈະສະຫນັບສະຫນູນຜູ້ປະກອບການ ຕ່າງຫາກໂດຍຄິດໄລ່ຈາກເຕັກນິກຂອງວິຊາການ ບໍ່ແມ່ນຄິດໄລ່ຈາກຜູ້ປະກອບການ,

ສ່ວນອີກວິທີຫນຶ່ງແມ່ນການປັບຫລຸດອາກອນຊົມໃຊ້ລົງ 50% ຕົວຢ່າງ ອາກອນຊົມໃຊ້ນ້ໍາມັນກາຊວນ ປັດຈຸບັນ 21% ຈະຫລຸດລົງເຫລືອ 11%, ອາກອນຊົມໃຊ້ນ້ໍາມັນແອັດຊັງທໍາມະດາ 31% ຈະລົງປະມານ 16%… ແຕ່ຖ້າ ການເຫນັງຕີງຂອງລາຄາເພີ່ມຂຶ້ນຫລາຍ ອາດຈະບໍ່ຄິດໄລ່ອາກອນຊົມໃຊ້ເລີຍ, ແຕ່ກໍຕ້ອງໄດ້ຮັບການເຫັນດີຈາກ ພາກລັດກ່ອນ.

ທີ່ມາ:ໜັງສືພີມພັດທະນາ

Leave a Reply

Your email address will not be published.