ສະຫະລັດທຸ່ມເພີ່ມ 700 ລ້ານຊ່ວຍເຫຼືອດ້ານອາວຸດໃຫ້ແກ່ຢູເຄຣນ

ອີງຕາມການລາຍງານຂອງສຳນັກຂ່າວ ບີບີຊີ ໃນວັນທີ 25 ເມສາ 2022  ໃຫ້ຮູ້ວ່າ: ປະທານາທິບໍດີ ໂວໂລດີມີ ເຊເລນສະກີ ຜູ້ນຳຢູເຄຣນ ຮ່ວມຫາລືຄັ້ງສຳຄັນກັບ ທ່ານ ແອນໂທນີ ບິງເຄນ ລັດຖະມົນຕີກະຊວງການຕ່າງປະເທດສະຫະລັດອາເມລິກາ ແລະ ທ່ານ ລອຍ ອອສຕິນ ລັດຖະມົນຕີກະຊວງປ້ອງກັນປະເທດສະຫະລັດ ໄດ້ເດີນທາງດ້ວຍລົດໄຟຈາກປະເທດໂປໂລຍ ໄປເມືອງຄຽບ ເມືອງຫຼວງຂອງຢູເຄຣນໃນ ວັນທີ 24 ເມສາ 2022.

ການ​ເຄື່ອນ​ໄຫວ​ຂອງ​ເຈົ້າ​ໜ້າ​ທີ່​ລະດັບສູງ​ຂອງ​ລັດ​ຖະ​ບານ​ອາ​ເມ​ລິ​ກາ​ຖືວ່າເປັນຄວາມ​ເຄື່ອນ​ໄຫວ​ທີ່​ຫລາຍ​ຝ່າຍ​ຈັບ​ຕາ​ເບິ່ງ​ທ່າມກາງຄວາມ​ວິ​ຕົກ​ກັງ​ວົນ​ວ່າ​ຈະເຮັດໃຫ້ຝ່າຍ​ຣັດ​ເຊຍບໍ່ພໍໃຈ.

ເພາະກ່ອນໜ້ານີ້ທາງການຣັດເຊຍຖະແຫຼງຂົ່ມຂູ່ວ່າ ຈະມີຜົນລັບຮຸນແຮງທີ່ຄາດບໍ່ເຖິງ ຫາກສະຫະລັດ ຍັງສະໜັບສະໜຸນ ອາວຸດຍຸດໂທປະກອນ ແກ່ຢູເຄຣນ ແນວໃດກໍຕາມທາງການ ສະຫະລັດປະກາດເພີ່ມເງິນຊ່ວຍເຫລືອ ທາງການທະຫານ ແກ່ຢູເຄຣນ ອີກກວ່າ 700 ລ້ານໂດລາ.

ທ່ານ ບິງເຄນ ກ່າວວ່າ: ການໄປກຸງຄຽບໃນຄັ້ງນີ້ຖືເປັນໂອກາດໃນການສະແດງຈຸດຢືນວ່າລັດຖະບານສະຫະລັດສະໜັບສະໜູນຢູເຄຣນຢ່າງຕໍ່ເນື່ອງໂດຍລະຫວ່າງການປະຊຸມຮ່ວມກັບເຈົ້າໜ້າທີ່ຢູເຄຣນ ທ່ານ ເຊເລນສະກີ ປະທານາທິບໍດີຢູເຄຣນ ກໍກ່າວສະແດງຄວາມຂອບໃຈ ທ່ານ ໂຈ ໄບເດນ ປະທານາທິບໍດີສະຫະລັດ ທີ່ໃຫ້ການຊ່ວຍເຫຼືອຢູເຄຣນ.

ຂະນະທີ່ ທ່າຮ ອອສຕິນ ກ່າວຫຼັງຈາກາກນຫາລືທີ່ກເມືອງຄຽບວ່າ: ສະຖານະການໃນເມືອງຂອງຢູເຄຣນເລີ່ມກັບເຂົ້າສູ່ພາວະປົກກະຕິແລ້ວ ແຕ່ການຕໍສູ້ທີ່ມີຮູບແບບປ່ຽນໄປນັ້ນຢູເຄຣນຈຳເປັນຕ້ອງມີອາວຸດທາງໄກ ແລະ ລັດຖະບານຢູເຄຣນເອງມີຄວາມຕ້ອງການທີ່ຈະໃຊ້ລົດຖັງ.

ອ້າງອິງ:BBC

Leave a Reply

Your email address will not be published.