ປະທານສະພາແຫ່ງຊາດ ສສ ຫວຽດນາມ ຢ້ຽມຢາມ ສປປ ລາວ ເພື່ອຮັດແຫນ້ນຄວາມສາມັກຄີ

ປະທານສະພາແຫ່ງຊາດ ສສ ຫວຽດນາມ ຢ້ຽມຢາມ
ສປປ ລາວ ເພື່ອຮັດແຫນ້ນຄວາມສາມັກຄີ
ຂປລ. ໃນວັນທີ 15 ພຶດສະພາ 2022 ນີ້, ສະຫາຍ ເວືອງ ດິງເຫວະ ກໍາມະການກົມການເມືອງສູນກາງພັກກອມມູນິດ ຫວຽດນາມ ປະທານສະພາແຫ່ງຊາດ ແຫ່ງ ສາທາລະນະ ລັດ ສັງຄົມນິຍົມຫວຽດນາມ ພ້ອມດ້ວຍຄະນະ ໄດ້ເດີນ ທາງເຖິງສະໜາມບິນສາກົນວັດໄຕ ນະຄອນຫລວງວຽງ ຈັນ ດ້ວຍຍົນພິເສດ ເພື່ອຢ້ຽມຢາມສັນຖະວະໄມຕີ ສາທາ ລະນະລັດ ປະຊາທິປະໄຕ ປະຊາຊົນລາວ ຢ່າງເປັນທາງ ການ ໃນລະຫວ່າງວັນທີ 15-17 ພຶດສະພາ 2022.
ໃຫ້ກຽດຕ້ອນຮັບ ໂດຍສະຫາຍ ສົມມາດ ພົນເສນາ ກໍາມະການສູນກາງພັກ ຮອງປະທານສະພາແຫ່ງຊາດ ແຫ່ງ ສປປ ລາວ ພ້ອມຜູ້ແທນຂັ້ນສູງຂອງສະພາແຫ່ງຊາດລາວ ແລະ ສະຫາຍ ຫງວຽນບາຮຸ່ງ ເອກອັກຄະລັດຖະທູດວິ ສາ ມັນ ຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳ ສປປ ລາວ ພ້ອມດ້ວຍພະນັກງານກ່ຽວຂ້ອງເຂົ້າຮ່ວມ.
ການມາຢ້ຽມຢາມສັນຖະວະໄມຕີ ສປປ ລາວ ໃນຄັ້ງນີ້ ເພື່ອເສີມຂະຫຍາຍສາຍພົວພັນມິດຕະພາບ, ຄວາມສາ ມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ສອງພັກ, ສອງລັດ ແລະ ປະຊາຊົນສອງຊາດ ລາວ-ຫວຽດນາມ ທີ່ມີມູນເຊື້ອຍາວນານ ໃຫ້ນັບມື້ແຕກດອກອອກຜົນງອກງາມຍິ່ງໆຂຶ້ນ ໂດຍສະເພາະ ແມ່ນການຮ່ວມມື ລະຫວ່າງ ສອງອົງການນິຕິບັນຍັດ ສະພາແຫ່ງຊາດລາວ ແລະ ສະພາແຫ່ງຊາດ ຫວຽດນາມ ຊຶ່ງປີນີ້ ສອງພັກ, ສອງລັດ ແລະ ປະ ຊາຊົນສອງຊາດ ກຳລັງພ້ອມກັນກະກຽມສະເຫລີມສະ ຫລອງປີສາມັກຄີມິດຕະພາບ ລາວ-ຫວຽດນາມ, ຫວຽດ ນາມ-ລາວ ປີ 2022 ສຸດທີ່ມີຄວາມຫມາຍສຳຄັນ ຄື: ວັນເຊັນສົນທິສັນຍາມິດຕະພາບ ແລະ ການຮ່ວມມື ຄົບຮອບ 45 ປີ (18/7/1977-18/7/2022) ແລະ ວັນສ້າງຕັ້ງສາຍພົວພັນການທູດ ລາວ-ຫວຽດນາມ ຄົບຮອບ 60 ປີ (5/9/1962-5/9/2022) ທີ່ກໍາລັງດໍາເນີນໄປດ້ວຍບັນ ຍາກາດຄຶກຄື້ນມ່ວນຊື່ນ, ມີເນື້ອໃນອຸດົມສົມບູນກວ້າງຂວາງ, ເລິກເຊິ່ງ ແລະ ໜັກແໜ້ນ.
ຂ່າວ: ປະຊາຊົນ
ພາບ: ເກດສະໜາ

Leave a Reply

Your email address will not be published.