ສອງສະພາແຫ່ງຊາດ ລາວ-ຫວຽດນາມ ຮັດແໜ້ນການຮ່ວມມື ສອງຝ່າຍ

ສອງສະພາແຫ່ງຊາດ ລາວ-ຫວຽດນາມ ຮັດແໜ້ນການຮ່ວມມື ສອງຝ່າຍ
ຂປລ. ກອງປະຊຸມພົບປະ ສອງຝ່າຍລະຫວ່າງ ສະພາແຫ່ງຊາດ ແຫ່ງ ສປປ ລາວ ແລະ ສະພາແຫ່ງຊາດແຫ່ງ ສສ ຫວຽດນາມ ໄດ້ຈັດຂຶ້ນໃນວັນທີ 16 ພຶດສະພາ 2022 ຝ່າຍລາວນຳໂດຍ ສະຫາຍ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສະພາແຫ່ງຊາດ ແຫ່ງ ສປປ ລາວ ແລະ ຝ່າຍຫວຽດນາມ ນຳໂດຍ ສະຫາຍ ເວືອງ ດິງ ເຫວະ ກຳມະການກົມການເມືອງສູນກາງພັກກອມມູນິດຫວຽດນາມ, ປະທານສະພາແຫ່ງຊາດ ແຫ່ງ ສສ ຫວຽດນາມ ພ້ອມຄະນະຜູ້ແທນສອງຝ່າຍ ເຂົ້າຮ່ວມ.
ການພົບປະສອງຝ່າຍໃນຄັ້ງນີ້, ທັງສອງຝ່າຍ ໄດ້ຮ່ວມກັນຕີລາຄາຄືນ ການພົວພັນ ແລະ ການຮ່ວມມື ລະຫວ່າງ ສອງປະເທດ ກໍຄື ລະຫວ່າງ ສອງສະພາແຫ່ງຊາດ ລາວ-ຫວຽດນາມ ໃນໄລຍະຜ່ານມາ ແລະ ປຶກສາຫາລືທິດທາງແຜນການພົວພັນຮ່ວມມືໃນຕໍ່ໜ້າ ເປັນຕົ້ນ ການສືບຕໍ່ຈັດຕັ້ງປະຕິບັດເນື້ອໃນຈິດໃຈ ຂອງບົດບັນທຶກວ່າດ້ວຍການຮ່ວມມື ລະ ຫວ່າງ ສອງປະທານສະພາແຫ່ງຊາດ, ການຮ່ວມກັນຈັດບັນດາກິດຈະກໍາສະເຫລີມສະ ຫລອງ ປີສາມັກຄີມິດຕະພາບລາວ-ຫວຽດນາມ ປີ 2022 ກໍຄື ການແລກປ່ຽນຄະນະຜູ້ແທນ, ການຈັດຕັ້ງກອງປະຊຸມສໍາມະນາແລກປ່ຽນບົດຮຽນ, ການຮ່ວມກັນຕິດຕາມກວດກາ, ການຮ່ວມມື ສະໜັບສະໜູນ ເຊິ່ງກັນ ແລະ ກັນ ໃນເວທີລັດຖະສະພາພາກພື້ນ ແລະສາ ກົນ ເຊັ່ນ: ການເປັນເຈົ້າພາບ ແລະ ເຂົ້າຮ່ວມ ກອງປະຊຸມສະມັດຊາໃຫຍ່ລັດຖະສະພາ ລະຫວ່າງ ຊາດອາຊຽນ(AIPA), ກອງປະຊຸມ 3 ກຳມາທິການຕ່າງປະເທດ ຂອງສະພາແຫ່ງຊາດກຳປູເຈຍ, ລາວ ແລະ ຫວຽດນາມ(CLV), ກອງປະຊຸມສະມັດຊາໃຫຍ່ຂອງສະ ຫະພັນລັດຖະສະພາກົນ(IPU), ກອງປະຊຸມສະມັດຊາລັດຖະພາ ທີ່ໃຊ້ພາສາຝຣັ່ງ (APF), ກອງປະຊຸມຄູ່ຮ່ວມລັດຖະສະພາ ອາຊີ-ເອິຣົບ(ASEP) ແລະ ການເຄື່ອນໄຫວ ໃນເວທີລັດຖະສະພາອື່ນໆ.
อาจเป็นรูปภาพของ 2 คน และ ผู้คนกำลังยืน
ໂອກາດນີ້, ສະຫາຍ ໄຊສົມພອນ ພົມວິຫານ ໄດ້ສະແດງຄວາມຂອບໃຈຕໍ່ ສະຫາຍປະທານສະພາແຫ່ງຊາດຫວຽດນາມ ທີ່ຈະໃຫ້ການຮ່ວມມື ແລະ ສະໜັບສະໜູນແກ່ສະພາ ແຫ່ງຊາດລາວ ໃນການເປັນເຈົ້າພາບຈັດກອງປະຊຸມສະພາແຫ່ງຊາດ ຂອງ 3 ປະເທດ ກຳປູເຈຍ-ລາວ-ຫວຽດນາມ (CLV) ໃນປີ 2023 ແລະ ກອງປະຊຸມໃຫຍ່ສະມັດຊາລັດຖະສະພາ ລະຫວ່າງ ຊາດອາຊຽນ (AIPA) ຄັ້ງທີ 45 ໃນປີ 2024.
อาจเป็นรูปภาพของ 1 คน, กำลังยืน และ สถานที่ในร่ม
ພາຍຫລັງການພົບປະ, ກໍໄດ້ມີພິທີເຊັນບົດບັນທຶກການຮ່ວມມື ລະຫວ່າງ ສະພາແຫ່ງຊາດ ແຫ່ງ ສປປ ລາວ ແລະ ສະພາແຫ່ງຊາດ ແຫ່ງ ສສ ຫວຽດນາມ ແລະ ການແລກປ່ຽນ ເອກະສານບົດບັນທຶກການຮ່ວມມືຕ່າງໆ ຈຳນວນ 4 ສະບັບຄື: ບົດບັນທຶກການຮ່ວມມື ລະຫວ່າງ ຄະນະເລຂາທິການສະພາແຫ່ງຊາດລາວ ແລະ ຫ້ອງວ່າການສະພາແຫ່ງຊາດຫວຽດນາມ; ກຳມາທິການບັນດາເຜົ່າ ຂອງສະພາແຫ່ງຊາດ ແຫ່ງ ສປປ ລາວ ແລະ ສະພາຊົນເຜົ່າ ຂອງສະພາແຫ່ງຊາດ ແຫ່ງ ສສ. ຫວຽດນາມ; ສູນກາງແນວລາວສ້າງຊາດ ແຫ່ງ ສປປ ລາວ ແລະ ຄະນະກໍາມະການຊົນເຜົ່າ ຂອງລັດຖະບານ ແຫ່ງ ສສ. ຫວຽດນາມ; ລັດວິສາຫະກິດໄຟຟ້າຫວຽດນາມ (EVN) ແລະ ບໍລິສັດ ຫວັງ ອິນເວັນສເມັ້ນ ຈຳກັດ ຂອງ ສປປ ລາວ.
ໃນໂອກາດດຽວກັນ, ຫ້ອງວ່າການສະພາແຫ່ງຊາດຫວຽດນາມ ກໍໄດ້ມອບຫລຽນກາ ທີ່ລະນຶກ ໃຫ້ຄະນະເລຂາທິການສະພາແຫ່ງຊາດລາວ ເຊິ່ງເປັນກາໝາຍ ສຳລັບຜູ້ແທນສະພາແຫ່ງຊາດລາວ ຈຳນວນ 300 ອັນ ແລະ ກາໝາຍ ສຳລັບຜູ້ແທນສະພາປະຊາຊົນ ຈຳນວນ 700 ອັນ.
อาจเป็นรูปภาพของ 2 คน และ ผู้คนกำลังยืน
ເພື່ອໃຫ້ການເດີນທາງມາຢ້ຽມຢາມ ສປປ ລາວ ຂອງປະທານສະພາແຫ່ງຊາດຫວຽດນາມ ມີຄວາມໝາຍຍິ່ງຂຶ້ນ, ສອງປະທານສະພາແຫ່ງຊາດ ລາວ-ຫວຽດນາມ ໄດ້ຮ່ວມປູກຕົ້ນໄມ້ ເພື່ອເປັນສັນຍາລັກ ແຫ່ງການພົວພັນຮ່ວມມື ແລະ ຮັດແໜ້ນຄວາມສາມັກຄີ ລະຫວ່າງສອງສະພາແຫ່ງຊາດ ລາວ-ຫວຽດນາມ, ຫວຽດນາມ-ລາວ ໃຫ້ໝັ້ນຄົງທະນົງແກ່ນຕະຫລອດໄປ.
ຂ່າວ: ກິດຕາ
ພາບ: ອ່າຍຄໍາ

Leave a Reply

Your email address will not be published.