ເມືອງທ່າປາງທອງ ແຂວງ ສະຫວັນນະເຂດ ໄດ້ຮັບຜົນກະທົບຈາກສະພາບຝົນຕົກໜັກ

ເມືອງທ່າປາງທອງ ແຂວງ ສະຫວັນນະເຂດ ໄດ້ຮັບຜົນກະທົບຈາກສະພາບຝົນຕົກໜັກ
อาจเป็นรูปภาพของ แหล่งน้ำ และ ต้นไม้
ໃນໄລຍະແຕ່ວັນທີ 6-9 ສິງຫາ 2022, ຢູ່ເມືອງທ່າປາງທອງ ແຂວງສະຫວັນນະເຂດ ໄດ້ເກີດມີສະພາບຝົນຕົກຕິດຕໍ່ກັນ ເຮັດໃຫ້ນ້ຳຖ້ວມເຮືອນ ແລະ ເນື້ອທີ່ທຳການຜະລິດຂອງພໍ່ແມ່ປະຊາຊົນຈຳນວນໜຶ່ງ ທີ່ຢູ່ລຽບຕາມແຄມລຳນ້ຳເຊປ໋ອງ.
อาจเป็นรูปภาพของ ธรรมชาติ และ พื้นหญ้า
ຕໍ່ສະພາບການດັ່ງກ່າວ, ການນໍາຂອງເມືອງ ພ້ອມດ້ວຍຄະນະກໍາມະການຕ້ານໄພພິບັດຂັ້ນເມືອງໄດ້ລົງຕິດຕາມສະພາບນໍ້າຖ້ວມຢູ່ບ້ານທີ່ໄດ້ຮັບຜົນກະທົບ ແລະ ໄດ້ນຳໃຊ້ກຳລັງທະຫານ-ຕຳຫຼວດ, ພະ ນັກງານ-ລັດຖະກອນ ສຸມໃສ່ໃຫ້ການຊ່ວຍເຫຼືອພໍ່ແມ່ປະຊາຊົນເຮັດໃຫ້ມີຄວາມປອດໄພໂດຍພື້ນຖານ
อาจเป็นรูปภาพของ ต้นไม้ และ กลางแจ้ง
ປັດຈຸບັນ,ສະພາບນ້ຳຢູ່ໃນເກນປົກກະຕິ; ຜ່ານການເກັບກຳຂໍ້ມູນເບື້ອງຕົ້ນ, ບ້ານທີ່ໄດ້ຮັບຜົນກະທົບທັງໝົດມີ 9 ບ້ານຄື:
อาจเป็นรูปภาพของ 2 คน, ต้นไม้ และ ถนน
ບ້ານຫ້ວຍໝື່ນຖ້ວມເຮືອນປະມານ 35 ຫຼັງ, ເລົ້າເຂົ້າ 20 ຫຼັງ ( ໄຫຼ 01 ຫຼັງ ), ວິດຖ່າຍ 30 ຫົວ, ນ້ຳບາດານ 31 ບໍ່, ໜອງປາ ແລະເນື້ອທີ່ນາຈຳນວນໜຶ່ງ, ບ້ານກຸດຮີ ( ຄຸ້ມກຸດລຳພັນ), ຖ້ວມເຮືອນປະຊາຊົນ 15 ຫຼັງ, ວັດ 01 ແຫ່ງ, ໜອງປາ ແລະເນື້ອທີ່ນາຈຳນວນໜຶ່ງ. ບ້ານທ່າສະລາຄຳ ຖ້ວມເຮືອນ 13 ຫຼັງ, ເຮືອນພັກ 1 ຫຼັງ, ບ້ານໂນນຈານ, ບ້ານໜອງກັນ, ບ້ານນາຫົວຄວາຍ, ບ້ານພູແສງຄຳ, ບ້ານໃໝ່ໂພສີ ( ຄຸ້ມໃໝ່ເຊ ) ແລະບ້ານທົ່ງປາງຖ້ວມເນື້ອທີ່ນາ, ໜອງປາ, ຝາຍລວມ ແລະ ພື້ນຖານໂຄງລ່າງຈຳນວນໜຶ່ງ ໂດຍດ້ານພື້ນຖານໂຄງລ່າງປະ ກອບມີຫົວຂົວຂາດ ແລະ ເປ້ເພຈຳນວນ 4 ແຫ່ງ; ໃນນັ້ນ, ຫົວຂົວຂາດ 3 ແຫ່ງ (ຂົວເບເລບ້ານທ່າສະລາຄຳ 1 ແຫ່ງ, ຂົວເບຕົງແກ້ງແກບຢູ່ເສັ້ນທາງເລກທີ 2.6313 ຈຸດກິໂລແມັດທີ 36ມີ 1 ແຫ່ງ, ຂົວບ້ານຫ້ວຍໝື່ນຢູ່ເສັ້ນ ທາງ 2.6313 ຈຸດກິໂລແມັດທີ 42 ມີ 1 ແຫ່ງ) ແລະຂົວເບເລບ້ານຫ້ວຍໝື່ນ ເປ້ເພໜັກ 01 ແຫ່ງບໍ່ສາມາດທຽວໄດ້, ໄດ້ຊຸກຍູ້ໃຫ້ອໍານາດການປົກ ຄອງບ້ານ ແລະພໍ່ແມ່ປະຊາຊົນຢູ່ໃນເຂດທີ່ມີຄວາມສ່ຽງຍົກຍ້າຍຜູ້ຄົນ, ສິ່ງ ຂອງ ແລະສັດລ້ຽງໄປຢູ່ຈຸດທີ່ສູງ, ສ່ວນການຄົມມະນາຄົມໃນບາງເຂດຍັງພົບຄວາມຫຍຸ້ງຍາກ.
อาจเป็นรูปภาพของ 1 คน และ แมวใหญ่
ມູນຄ່າເສຍຫາຍທາງດ້ານເນື້ອທີ່ທໍາການຜະລິດກະສິກໍາ, ດ້ານພື້ນຖານໂຄງລ່າງ, ເສັ້ນທາງຄົມມະນາຄົມ ແລະດ້ານຜົນເສຍຫາຍອື່ນໆຍັງບໍ່ທັນສາມາດປະເມີນໄດ້.
อาจเป็นรูปภาพของ ข้อความ
ນັກຂ່າວ: ແຂວງສະຫວັນນະເຂດ

Leave a Reply

Your email address will not be published.